20.12.2016
362 cапарлар
Қазақстан Республикасының Тәуелсіздік күнімен құттықтауы!

Құрметті ханымдар мен мырзалар!

Сіздерді еліміздің ең басты мерекесі – Қазақстан Республикасының Тәуелсіздік күнімен құттықтауға рұқсат етіңіздер!

Осыдан 25 жыл бұрын, 1991 жылы қазақ халқы ғасырлар бойы армандаған азаттығына қол жеткізіп, өркениетті болашағын құру арманының аясында ел болып бірігіп, өзінің дара жолын таңдаған болатын. Жас мемлекеттің қалыптасуына, бой көтеруіне қаржы саласының қосқан үлесі зор. Қаржы саласының қызметкерлерінің ерен еңбегінің арқасында төл теңгеміз айналымға енгізіліп, қаржы жүйесі қайта құрылды, елге инвестициялар мен технологиялар тартылды.

Осы өткен ширек ғасырдың аясында Қазақстан өзін бүкіл әлемге танытып, мойындата білді. Өндіріс пен өнеркәсіп қайта жанданды. Елордамыз Алматыдан Ақмолаға көшіріліп, Сарыарқаның төрінде, дүниежүзінің ең әсем қалаларының бірі – Астана бас көтерді.

Біз елімізбен бірге қиын-қыстау жолдан сүрінбей өттік, Тәуелсіздігімізді нығайттық. Мен Қазақстанның келешегінің бүгінгіден де жарқын боларына кәміл сенемін және Қазақстанның бағындырар шыңдары әлі де алда деп ойлаймын.

Мен Сіздерге шын жүректен бақыт пен зор денсаулық тілеймін! Жұмыстарыңыз жемісті, озық ойларыңыз шабытты болсын! Отбасыларыңызда амандық, елімізде тыныштық болуына тілектеспін!

 

Ізгі ниетпен,

 

ҚҚҚ Кеңесінің Төрағасы                           Әуезов М. М.

Соңғы жаңалықтар
14.12.2018
2019 жылдың басынан бастап Уәжді пайымдауды қалыптастыру және пайдалану қағидалары күшіне енеді
Қаулыда уәжді пайымдауды қалыптастыру және пайдалану тәртібі, оның ішінде қадағалау бөлімшесі қарастыратын мәселелер мен жағдайлар аясы айқындалды
04.12.2018
ҚҚҚ-да қаржы секторының қызметкерлеріне мемлекеттік наградалар тапсырылды
Қаржы ұйымдарының қызметкерлері еліміздің және елордамыздың дамуына қосқан үлесі үшін "Астана 20 жыл" медалімен марапатталды
30.11.2018
Ақмола облысындағы қолма-қол жасалмайтын төлемдердің көлемі бір айда екі есе өсті
ҚҚҚ талдау орталығы сіздердің назарларыңызға 2018 жылдың қазан айында қолма-қол жасалмайтын төлемдер бойынша статистикаға шолу ұсынады
21.11.2018
Салық түсімдерінің өсуі ел бюджетіне оң әсер етуде
ҚР шоғырландырылған бюджетінің тапшылығы 2018 жылға жоспар бойынша 1,08 трлн теңгеге қарағанда, он айдың қорытындысы бойынша 0,15 трлн теңгені құрады
16.11.2018
Бахмутова: Реттеуші де жоғары есеп беру стандарттарына сәйкес келуі тиіс
ҚҚҚ басшысы Қазақстандағы тәуекелді-бағдарлы қадағалауды қолдану тәжірибесі туралы өз пікірін білдірді
15.11.2018
Банктер мен қаржы ұйымдарының басшылары ҚҚҚ медальдарымен марапатталды
ҚҚҚ "Үлес" естелік медалі теңгенің 25 жылдығына тағайындалды