07.03.2019
455 cапарлар
Елена Бахмутова KASE-де гендерлік теңдікке арналған сауда-саттық ашты

KASE Қазақстан қор биржасы гендерлік теңдікке арналған "Ring the Bell for Gender Equality" сауда-саттығының ашылу рәсімін өткізді. Іс-шара Қазақстандағы "БҰҰ-әйелдер" құрылымымен, Дүниежүзілік банкпен және Халықаралық қаржы корпорациясымен (IFC) бірлесіп, Біріккен Ұлттар Ұйымының (БҰҰ) "Тұрақты қор биржалары" (UN SSE бастамасы) бастамасы шеңберінде үшінші рет өткізіліп отыр.

Іс-шара Халықаралық әйелдер күніне орайластырылған және гендерлік теңдікті ілгерілету, әйелдердің құқықтары мен экономикалық мүмкіндіктерін кеңейту, сондай-ақ олардың қоғамдағы рөлін арттыру маңыздылығын атап өтуге арналған.

«KASE  БҰҰ-ның тұрақты даму принциптерін, соның ішінде гендерлік тең құқықты қолдайды және бизнестің назарын аударуға және ұйымдарда гендерлік теңдікті сақтауға өз үлесін қосуға тырысады. Тұрақты бизнес-тәжірибелерді жүйелі жүзеге асыру – кез келген ұйым қызметінің тиімділігінің кепілі»,  деді ашылу салтанатында KASE басқармасының төрайымы Алина Алдамберген.

KASE сауда-саттығының ашылу салтанатына еліміздің қоғамдық-саяси және қаржы-экономикалық саласына үлес қосатын танымал қазақстандық әйелдер қатысты. "БҰҰ-әйелдер" құрылымының Қазақстандағы өкілі Илейн Конкиевич және Орталық Азиядағы Дүниежүзілік банктің аймақтық директоры Лилия Бурунчук шақырылды.

«Тәуелсіздік жылдары Қазақстан тең құқықтары мен мүмкіндіктері бар қоғамды қалыптастыруда елеулі табыстарға қол жеткізді. Қазақстанда әйелдер мен ерлерде еңбекке, білім алуға, әлеуметтік қорғауға және медициналық көмекке тең негізгі құқықтары бар. Дегенмен, корпоративтік басқаруда әйелдер ер адамдарға қарағанда аз дәрежеде ұсынылған", – деді өз сөзінде Қазақстан қаржыгерлер қауымдастығының (ҚҚҚ) басшысы Елена Бахмутова.

Ресми бөлімнен кейін Елена Бахмутова арнайы гонгты соғып, сауда-саттықты ашты.

Дүниежүзілік экономикалық форум дайындаған "The Global Gender Gap Report – 2018" есебіне сәйкес Қазақстан 149 елдің ішінде 60-шы орынға ие болды. Өткен жылы аталмыш рейтингтегі позиция жоғары болды – 52 орын. Бұл ретте сарапшылар жағдайдың нашарлауына байланысты емес, гендерлік теңдікке қол жеткізу бойынша жаңа шаралардың болмауына байланысты позиция төмендегенін атап өтті.

Жыл сайын бүкіл әлем бойынша 60-тан астам биржалар БҰҰ-ның осы бастамасына қосылады. Ring the Bell for Gender Equality бастамасы түрлі елдердің биржалық алаңдарында бизнес-қоғамдастықтың көшбасшы әйелдерін, мемлекеттік органдар мен басқа да салалардың өкілдерін жинайды.

Соңғы жаңалықтар
24.02.2020
2019 жылдың қорытындысы бойынша қазақстандық экспорт құрылымындағы мұнай үлесі 62% - дан 58% - ға дейін төмендеді
Сіздердің назарларыңызға 2020 жылдың 01 қаңтарындағы жағдай бойынша ҚР экспорты мен импортына шолу ұсынамыз
18.11.2019
ҚРҰБ мақсаты шегінде инфляция бойынша сарапшылардың орта мерзімді күтулері
ҚҚҚ 2019 жылғы қарашада кейбір индикаторларға қатысты қаржы нарығының кәсіби қатысушыларына кезекті сауалнама нәтижелерін ұсынады
14.11.2019
Қазақстандықтар қыркүйек айында интернетте 1,1 трлн теңге жұмсады
ҚҚҚ талдау орталығы сіздерің назарларыңызға 2019 жылғы қыркүйекте карточкалар бойынша қолма-қол ақшасыз төлемдер бойынша статистикаға шолу ұсынады
18.10.2019
Италия мен Францияға мұнай сату тамыз айында 0,5 млрд долларға артты
Cіздердің назарларыңызға 2019 жылғы 01 қыркүйектегі жағдай бойынша ҚР экспорты мен импортына шолу ұсынамыз
14.10.2019
Сарапшылар қазан айында теңгенің одан әрі әлсіреуін күтпейді
ҚҚҚ 2019 жылғы қазанда кейбір индикаторларға қатысты қаржы нарығының кәсіби қатысушыларына кезекті сауалнама нәтижелерін ұсынады
26.09.2019
БЖЗҚ портфеліндегі трежеристің ағымдағы құны тамыз айында 485,9 млрд теңгеге артты
Сонымен қатар қазақстандық ЕДБ-ға инвестициялар үлесі бір ай бұрын 16,0%-дан 15,6%-ға дейін төмендеді