24.08.2018
36 cапарлар
Елена Бахмутова ҚҚҚ-ын басқарады

2018 жыл 24 тамыз, Алматы қ. - Қазақстан Қаржыгерлер қауымдастығының (ҚҚҚ) мүшелерінің кезекті жылдық жалпы жиналысында Елена Бахмутова Кеңес Төрайымы лауазымына бірауыздан сайланды.

ҚҚҚ кеңесінің төрағасы және «Атамекен» Ұлттық кәсіпкерлер палатасы төрағасының орынбасарының атқарушы міндеттерінің өкілеттіктерін бөлуіне байланысты, ҚҚҚ Кеңесі Юлия Якупбаеваның өкілеттігін мерзімінен бұрын тоқтату туралы жалпы жиналыстың шешімімен бекітілді және мақұлданды. Юлия Константиновна «Атамекен» Ұлттық кәсіпкерлер палатасы төрағасының орынбасары ретінде қаржы секторымен ынтымақтастықты жалғастырады.

«Мен Юлия Константиновнаға қауымдастық мүшелері мен мемлекеттік органдардың арасындағы тиімді және жемісті өзара әрекеттесуді қамтамасыз еткендігіне, күрделі кезеңде еліміздің қаржы секторын дамытуға қосқан елеулі үлесі үшін үлкен алғысымды білдіргім келеді», –  деп ҚҚҚ Кеңесінің мүшесі, Әнуар Сәйденов қауымдастық мүшелерінің жалпы пікірін білдірді.

Мүшелердің жалпы жиналысы сондай-ақ есепті кезеңде ҚҚҚ жұмысының нәтижелері туралы есеп қаралып және мақұлданды.

«Мен ҚҚҚ-ның жаңа басшысы сайлануын құптаймын. Банктік және қаржылық қадағалаудың негізін қалаған Елена Леонидовнаның кәсібилігі, сондай-ақ саланың өзекті мәселелерін түсіну елдің қаржы секторының алдында тұрған қиындықтарға жауап береді. Оның тәжірибесі мен беделі Қазақстанның Қаржыгерлер қауымдастығының мүмкіндігін және рөлін күшейтетін болады», – деп HalykBank басқарма төрайымы, «Атамекен» ҚР ҰКП Президиумының қаржы секторы комитетінің төрайымы Үміт Шаяхметова жалпы жиналыстың шешіміне түсініктеме берді.

Қазақстан қаржыгерлерінің қауымдастығы еліміздің қаржы секторының мүдделерін шоғырландырады, оның құрамына шамамен 160 ұйым, оның ішінде банкттер, сақтандыру компаниялары, бағалы қағаздар нарығының кәсіби қатысушылары, лизингтік компаниялар, микроқаржы ұйымдары, аудиторлық және консалтингтік және басқа да компаниялар кіреді.

ҚҚҚ ҚР-ның Ұлттық Банкімен, Қаржы министрлігімен және Ұлттық экономика министрлігімен аккредитациядан өтті және «Атамекен» ҰКП-мен аккредиттелген қауымдастық болып табылады.

Анықтама үшін:

Бахмутова Елена Леонидовна 1962 жылы дүниеге келген.1983 жылы «экономист» мамандығы бойынша Алматы халық шаруашылығы институтын (НарХоз) бітірді. Мемлекеттік және коммерциялық құрылымдарда, оның ішінде Қазақстан Республикасы Қаржы министрлігінде түрлі лауазымдарда жұмыс істеді. 2001 жылы Қазақстан Республикасы Еңбек және халықты әлеуметтік қорғау вице-министрі болып тағайындалды. 2002 жылы Қазақстан Ұлттық Банкінің қаржылық қадағалау департаментін басқарды. 2004 жылы ол Қаржы нарығын және қаржы ұйымдарын реттеу агенттігі төрағасының орынбасары қызметіне тағайындалып, содан кейін оны басқарды.

2012 жылы «Самұрық-Қазына» АҚ-на жұмысқа ауысып, Басқарма төрағасының орынбасары, қаржы және операциялар жөніндегі басқарушы директор лауазымдарында жұмыс атқарды. 2016 жылдан бастап «Әлеуметтік медициналық сақтандыру қоры» АҚ басқарма төрайымы болып тағайындалады.

«МЖЗҚ» ЖАҚ директорлар кеңесінің мүшесі, «Қазпошта» АҚ директорлар кеңесінің төрайымы ретінде қызмет атқарды.

Мемлекеттік және қоғамдық қызметтегі еңбегі үшін, соның ішінде «Парасат» және «Құрмет» ордендерімен, «Астанаға 10 жыл», «Астананың 20 жылдығы» және «Қазақстан Республикасының Конституциясына 10 жыл» медальдарымен, сондай-ақ Қазақстан Республикасы Президентінің алғысымен, ордендер мен медальдармен марапатталды.

Соңғы жаңалықтар
09.11.2018
Ұлттық қорға түсетін салық түсімдері ағымдағы жылы 62 %-ға артты
Ұлттық қордың қаражаты қазан айында теңгелік және сондай-ақ долларлық баламада өсті
06.11.2018
Елена Бахмутова KASE Talks-та дәріс береді
Дәріс 8 қарашаның сағат 17:00-де басталады, кіру тегін
31.10.2018
Төлем карточкалары: Қазақстан cashless economy жолында
ҚҚҚ талдамалық орталығы 2018 жылдың қыркүйек айында қолма-қол ақшасыз төлемдер туралы назарыңызға статистикалық шолуды ұсынады
29.10.2018
БЖЗҚ: салымшылырдың шоттарына бөлінген кірістілік 7,75% -ды, ал тоғыз айдың қорытындысы бойынша инфляцияның жинақталған деңгейі 3,3%-ды құрады
Қордың таза инвестициялық кірісі 2018 жылдың үш тоқсанында 623,6 млрд. теңгені құрады
26.10.2018
Алматылықтар қолма-қол ақша алғаннан гөрі картамен көбірек төлей бастады
Алматы карталар арқылы төлемдері банкоматтардан қолма-қол ақша алу көлемінен асқан Қазақстанның алғашқы қаласы болды
04.10.2018
Қазақстан жинақтаушы – депозиттердің жаңа түрін енгізеді
Олардың максималды сыйақысы басқалардан жоғары болады, бірақ мерзімнен ерте алу жағдайда сыйақының төленбеуі бекітілген