01.03.2019
155 cапарлар
Әрбір алматылықтың Тұрғын үй құрылыс жинақ банкінде шоты бар

Қазіргі уақытта Алматы қаласының 186 214 тұрғыны болашақ баспаналары үшін Тұрғын үй құрылыс жинақ банкінде қаражат жинақтауда. Бүгінде олардың шотындағы қаражат мөлшері 108,8 млрд теңгені құрайды. Жыл басынан бері 1 000 қала тұрғыны өз қоныс тойларын атап өтті. Олардың арасында Алматы қаласының тұрғыны Күнім Әлжанова да бар. Зейнеткер Тұрғын үй құрылыс жинақ банкінің көмегімен қаражат жинап, өз немересіне Астана қаласында пәтер сатып алды.

Осыған орай, бүгін Алматы қаласында Тұрғын үй құрылыс жинақ банкінің жаңа мекенжай бойынша орналасқан бөлімшесінің (Шевченко к-сі, 155/6) ашылу салтанаты барысында банк қызметкерлері мен салымшылары жаңа пәтер иесінің қуанышына ортақтасып, өз құттықтауларын жеткізді.

– Менің немерем қазір 12 жаста, енді оның Астанада өз баспанасы бар. Алты жылдан кейін ол мектеп бітіріп, Астанаға оқуға баратыны анық.  Дәл сол кезде немеремнің жеке басында өз пәтерінің болатынына қуаныштымын. Немеремнің депозитіне қаражатты ол дүниеге келген сәттен бастап сала бастадық. Осылайша, тұрғын үй бағасының жартысын жинағаннан кейін, депозитті мамасына қайта табыстап, жетпеген сомасы бойынша жылдық 5 пайызбен тұрғын үй заемын алдық. Несиені біз 6 жыл төлейтін боламыз, – деп қуанышымен бөлісті Күнім Әлжанова.

Бүгінгі таңда Тұрғын үй құрылыс жинақ банкінің заемдары халық арасында үлкен сұраныста. Қазақстан Республикасының Ұлттық банкі мәліметі бойынша, 2019 жылдың басында нарықтағы ипотекалық несиелендіру бойынша банктің үлесі 41 пайызды құрады. Тұрғын үйді несиелендіруге бөлінген 1,6 трлн теңгенің 669,5 млрд теңгесі Тұрғын үй құрылыс жинақ банкінің клиенттеріне берілген. Қазіргі сәтте банктегі несие саны 121 600. Аталған заемның төрттен бірі кірісі 50 мыңнан 100 мың аралығындағы қарыз алушыларға берілген. Ал несиенің тағы 22 пайызы айлық табысы 100 мыңнан 150 мың  теңгеге дейінгілерге тиесілі.

– Қазақстандықтардың ішінде әсіресе алматылықтар өз баспаналары үшін белсенді түрде қаражат жинауда және сол арқылы қолжетімді шарттар бойынша заемдар алуда. Олар үшін біз арнайы Алматы қаласының орталығы саналатын Алмалы ауданында банктің жаңа бөлімшесін ашуды жөн көрдік. Жаңа бөлімшеге келген қала тұрғындары үшін енді толықтай қызмет түрлері ұсынылады. Олар депозит ашумен қатар, заемды ресімдеп, несие алуларына болады. Сондай-ақ, бөлімшеде банк менеджерлерінен басқа нотариус та қызмет көрсетеді. Бұл клиенттердің уақыттарын үнемдеуге және барлық қызмет түрлерін бір жерден алуға мүмкіндік береді, - деп атап өтті Алматы қалалық филиалының директоры Гүлзат Симтикова.

Оның айтуынша, заемның басым бөлігі – 94,1 пайызы банк клиенттеріне пәтерлер мен жеке үйлер сатып алуға, 4 пайызы – жөндеу жұмыстарын жүргізуге, 1,2 пайызы үй салуға, тағы 0,7 пайызы жер телімін сатып алуға беріледі.

Әсіресе, қала тұрғындары Тұрғын үй құрылыс жинақ банкі арқылы екі бөлмелік пәтерлерді сатып алуда. Қазіргі сәтте олар үшін «Нұрлы жер» бағдарламасы бойынша «Саялы» ықшам ауданында тікелей пәтер сатып алуға мүмкіндік туды. Пәтерді банктің сайтында брондауға болады.

Соңғы жаңалықтар
13.08.2019
Тамыз айында сарапшылардың инфляциялық күтулері өсті
ҚҚҚ 2019 жылғы тамызда кейбір индикаторларға қатысты қаржы нарығының кәсіби қатысушыларына кезекті сауалнама нәтижелерін ұсынады
07.08.2019
Қазақстандықтар маусым айында интернетте 682 млрд теңге жұмсады
ҚҚҚ талдау орталығы сіздерің назарларыңызға 2019 жылғы маусымда карточкалар бойынша қолма-қол ақшасыз төлемдер бойынша статистикаға шолу ұсынады
07.08.2019
МЗЖ бойынша азаматтардың орташа жинақ мөлшері бір миллион теңгеден асты
2019 жылдың бірінші жартыжылдығының қорытындысы бойынша БЖЗҚ-ның ЗА нақты табыстылығы 0,09% құрады
18.07.2019
ҚР сауда балансының профициті қаңтар-мамырда 9 %-ға төмендеді
Сіздердің назарларыңызға 2019 жылғы 01 маусымдағы жағдай бойынша ҚР экспорты мен импортына шолу ұсынамыз
11.07.2019
Салықтық түсімдер бес айдың қорытындысы бойынша 15,2%-ға өсті
Есепті күнге республикалық бюджет тапшылығы 384 млрд теңгені құрап, бір айда 30%-дан аса артты
10.07.2019
Сарапшылар күтулері шілде айында жақсарды
ҚҚҚ 2019 жылғы шілдеде кейбір индикаторларға қатысты қаржы нарығының кәсіби қатысушыларына кезекті сауалнама нәтижелерін ұсынады