14.12.2018
140 cапарлар
Moody’s агенттігі Altyn Bank рейтингілерін жоғарылатты

Moody’s халықаралық рейтингілік агенттігі Altyn Bank рейтингілерін жоғарылатты: депозиттер рейтингісін жаһандық межелік бойынша – Ba2 деңгейінен Ba1 деңгейіне дейін және ұлттық межелік бойынша – A2.kz деңгейінен Aa3.kz деңгейіне дейін.

Moody’s өзі жариялаған баспасөз-хаттамасында CITIC Bank-тің акциялардың бақылау жинағын сатып алу мәмілесінің аяқталуы мен CITIC Bank атауының Банктің логосына енгізілуіне байланысты  аталмыш мажоритарлық акционер – China CITIC Bank Corporation Limited (CITIC Bank; Baa2 positive, ba2) тарапынан қолдау көрсетілудің жоғары ықтималдығын атап өтті.

«Moody’s агенттігінің берген жоғары бағасы – бұл Altyn Bank-тің Қазақстанның қаржы нарығындағы қазіргі мықты жайғасымдарын растайтын орынды қадам, – деп атап өтті Altyn Bank басқарма төрағасы Марат ӘЛМЕНОВ. – Жоғары несиелік рейтингілер, өтімділіктің жеткілікті деңгейі, клиентке қарай бағытталу, шешім қабылдаудың икемділігі мен жеделдігі ірі акционерлердің, яғни China CITIC Bank Corporation Ltd., China Shuangwei Investment Co Ltd, «Қазақстан халық банкі» АҚ-ның беделімен үйлескен түрде Altyn Bank жайғасымдарының нығаюына, қолда бар ресурстарды өршіл міндеттерді орындауға және жаңа биіктерге жетуге арнап жұмылдыруға ықпал етеді. Біз Банктің жаңа стратегиясын іске асыруға кірісе бастадық, оның негізгі басымдықтары активтердің сапасын қолдау, ілгері банкілік технологияларды енгізу және клиенттік сервисті жетілдіру болып табылады».

Сонымен қатар, Агенттіктің талдаушылары Банктің мықты қаржылық профилін атап өтті, мұны оның несиелік қабілетіне берілген ba2 деңгейіндегі базалық бағадан байқауға болады. Агенттіктің пікірінше, бұл көрсеткіш тұрақты мықты қаржылық ахуалы мен төлем қабілеттілігінің көрсеткіштерін, активтердің төмен-тәуекелді құрылымын, сондай-ақ жоғары кірістілік көрсеткіштері мен Банктің өтімділік деңгейін көрсетуде.

Банктің несиелік қабілетінің түзетілген базалық бағасы мен депозиттерінің ұзақ мерзімді рейтингілері қазіргі уақытта CITIC Bank несиелік қабілетінің базалық бағасынан бір саты жоғары болуда, бұл осы рейтингілердің алдағы уақытта жоғарылау әлеуетін шектейді. Сонымен бірге, Банктің несиелік қабілетінің базалық бағасын Банктің жекелеп несие беру, қытайлық клиенттермен іскерлік қатынастарды дамыту арқылы және бұл жағдайда активтердің жоғары сапасын және мықты қаржылық профилін сақтап қалумен, қор жинау базасы мен табыс құрылымын сәтті түрде әртараптандырған жағдайда арттыруға болады.

Соңғы жаңалықтар
07.03.2019
Елена Бахмутова KASE-де гендерлік теңдікке арналған сауда-саттық ашты
Салтанатты рәсімге бизнес пен қоғамдық қызметте табысқа жеткен әйелдер қатысты
06.03.2019
Ұлттық қорға түскен түсімдер ақпан айында төрт есеге дерлік артты
2019 жылдың алғашқы екі айындағы кіріс өткен жылдың сәйкес кезеңімен салыстырғанда 53,5%-ға өсті
04.03.2019
Ерлан Бурабаев Сақтандыру төлемдеріне кепілдік беру қоры Директорлар кеңесінің төрағасы болып сайланды
Ол сақтандыру және бағалы қағаздар нарығын дамыту бойынша ҚҚҚ жұмысын жалғастырады
28.02.2019
Абди БЖЗҚ-ға жарты миллиард теңгеден астам қаржы қайтарды
Қаңтар айында Қазақстан азаматтарының зейнетақы жинақтары 0,6%-ға артып, 9,4 трлн теңгеден асты
18.02.2019
Қаңтар айында бюджеттің кірістері өткен жылғы кезеңге қарағанда 27,4%-ға өсті
Сонымен бірге бюджет шығындары 896,3 млрд теңгені құрады, оның 68,5%-ы бюджеттің әлеуметтік баптары жіберілді
18.02.2019
Сарапшылар инфляция бойынша төмендетілген болжамын қайта қарады
ҚҚҚ 2019 жылғы ақпанда кейбір индикаторларға қатысты қаржы нарығының кәсіби қатысушыларына кезекті сауалнама нәтижелерін ұсынады