24.04.2019
1539 cапарлар
Тұрғын үй құрылыс жинақ банкі мен мемлекеттің қолдауы аясында Ақтөбе облысының 1 200-ден астам тұрғыны қоныс тойын атап өтеді

Осы жылы жағдайы төмен отбасылар мен әскери қызметкерлер Тұрғын үй құрылыс жинақ банкінің көмегімен жеңілдетілген шарттар бойынша өз баспаналарына қол жеткізе алады. 

Тұрғын үйді сатып алудың механизмдері жөнінде Ақтөбе қаласында өткен баспасөз-конференциясы барысында Тұрғын үй құрылыс жинақ банкінің Басқарма Төрайымы Ләззат Ибрагимова баяндады.

Оның айтуынша, қазіргі таңда «Нұрлы жер» бағдарламасының жаңа бір бағыты – тұрғын үйді сатып алу үшін жағдайы төмен отбасыларға несие беру бағдарламасы бекітілу үстінде. Бұл бағдарлама 2019 жылдың мамыр айында іске қосылады. Ол көпбасылы отбасыларды, сондай-ақ, мүмкіндігі шектеулі және кәмелет жасына толмаған балалары бар отбасыларды баспанамен қамтамасыз етуге мүмкіндік береді. Олар үшін бастапқы жарна мөлшері пәтер бағасының 10%-ын құрайды, ал заем бойынша мөлшерлеме 2%-ға тең. Несие беру мерзімі 20 жылға дейін.

Сонымен қатар, 2019 жылдың 1 мамырынан бастап әскери қызметкерлерге арналған жаңартылған бағдарлама іске қосылады. Оның шеңберінде ең төменгі бастапқы жарна ретінде пәтер бағасының 15%-ы қолында бар тұрғын үй төлемдерін алушылар жылдық 8%-бен заем алуларына болады. Бұған қоса, баспана таңдау кезінде ешқандай шектеу қойылмайды, яғни, олар пәтерді жаңа үйден немесе қайталама нарықтағы тұрғын үйлерден сатып ала алады. Сондай-ақ, бұрынғыдай баллдық жүйе бойынша үміткерлер тізімі жасақталмайды. Бағдарламаға жеке басында үйі бар әскери қызметкерлердің де қатысуларына болады.

-Тұрғын үй құрылыс жинақ банкі жүзеге асыратын тұрғын үй құрылыс жинақ жүйесі азаматтардың барлық санаттарын қамтуға, және де ешқандай артық төлем мен аса үлкен несие ауыртпалығынсыз өз баспаналарына қол жеткізуге мүмкіндік береді. Осыған сай, биыл Ақтөбе қаласында жеңілдетілген бағыт бойынша өздерінің жалдамалы үйінен алғашқы 600 жағдайы төмен отбасы көшетін болады. Ал тағы 600 пәтерге әскери қызметкерлер, әкімдік кезегінде тұрғандар, балалар үйінің түлектері мен жас мамандар қоныс аудармақ.Олардың бәріне мемлекет пен банк «Нұрлы жер» мен «Өз үйім» бағдарламалары аясында қолдау көрсетеді, - деп атап өтті Тұрғын үй құрылыс жинақ банкінің Басқарма Төрайымы Ләззат Ибрагимова.

Жалпы, қазіргі таңда Тұрғын үй құрылыс жинақ банкінде Ақтөбе облысының әр 9 тұрғыны өз баспанасына арнап қаражат жинақтауда. Аймақтағы банктің депозиттік портфелі жалпы жинақтау сомасы 49,2 млрд теңгені құрайтын 98 мың салымшыдан тұрады. Жеткілікті дәрежеде жинақ қаражаты бар салымшылар осы жылы Ақтөбе қаласында пайдалануға беріледі деп жоспарланған қосымша 1 340 пәтер бойынша өз өтініштерін берулеріне болады.

Тұрғын үй құрылыс жинақ банкінің болжамы бойынша биыл шамамен 3 000 адам қоныс тойларын атап өтеді. Олардың қатарында бүгін облыс әкімі Оңдасын Оразалин мен Тұрғын үй құрылыс жинақ банкі басшысы Ләззат Ибрагимованың қолынан пәтер кілтін алған жаңа баспана иелері де бар.

Аймақ тұрғындары «Нұр Ақтөбе» ықшам ауданында 6 жыл өткеннен кейін сатып алуға болатын жалдамалы тұрғын үйде тұратын болады. Осы уақыт аралығында пәтер иелері Тұрғын үй құрылыс жинақ банкіндегі депозиттерінде пәтер бағасының 50%-ын жинаулары қажет. Ол үшін шотқа ай сайын орташа есеппен 35 000 теңгеден салып тұру керек. Одан кейін қалған 50%-ын банк жылдық 4,2% мөлшерлемемен несиеге беретін болады.

Соңғы жаңалықтар
29.03.2024
2023 жылы зейнетақы аннуитеттеріне, өмірді және жазатайым оқиғалардан сақтандыруға сұраныстың күрт өсуі байқалды
ҚҚҚ талдау орталығы сіздердің назарларыңызға 2023 жылғы қазақстандық өмірді сақтандыру нарығына шолу ұсынады.
13.03.2024
Байқалған және күтілетін инфляцияның өсуі ақша-несие шарттарын қалыпқа келтіру циклін тоқтата тұруы мүмкін
ҚҚҚ талдау орталығы сіздердің назарларыңызға 2024 жылғы наурыздағы кейбір индикаторларға қатысты қаржы нарығының кәсіби қатысушыларының кезекті сауалнамасының нәтижелерін ұсынады.
05.03.2024
2023 жылғы жиынтық сақтандыру төлемдері 38,5%-ға, алушылар саны 21,4%-ға өсті
ҚҚҚ талдау орталығы сіздердің назарларыңызға 2023 жылғы қазақстандық жалпы сақтандыру нарығына шолу ұсынады.
04.03.2024
Бизнеске жаңа қарыздар беру көлемінің өсуі Президент белгілеген 20 % мақсаттан асып түсті
ҚҚҚ талдау орталығы сіздердің назарларыңызға 2023 жылға кәсіпкерлік субъектілерін кредиттеуге шолу ұсынады.
20.02.2024
2023 жылы тұтынушылардың жоғары сұранысы мен КМС дивидендтері шоғырландырылған бюджеттің кіріс бөлігін қолдады
ҚҚҚ талдау орталығы сіздердің назарларыңызға 2023 жылға арналған ҚР шоғырландырылған бюджетіне шолу ұсынады.
13.02.2024
Елдегі қолма-қол ақшасыз карточкалық транзакциялар көлемі ЖІӨ көрсеткішінен асып түсті
ҚҚҚ талдау орталығы сіздердің назарларыңызға 2023 жылғы қолма-қол ақшасыз карточкалық операциялар бойынша статистикаға шолу ұсынады.