13.02.2019
109 cапарлар
Астанада Тұрғын үй құрылыс жинақ банкі салымшылары тұрғын үй сертификаттары бойынша алғашқы заемдарды алды

Тұрғын үй сертификаты арқылы Тұрғын үй құрылыс жинақ банкі («Бәйтерек» холдингінің еншілес ұйымы) арқылы тұрғын үйге кредит алғандардың бірі  - Лаура Баймурзаева. Қазақ тілінің мұғалімі Астанада 11,8 млн. теңгеге бір бөлмелі пәтер сатып алды. Ол 2 млн теңгені банктегі шотына өз бетінше жинақтаған және тағы 1 млн теңге оған Әкімдік тарапынан аударылған. Осылайша, мұғалімнің бастапқы жарнасы 25%-ды құрады. Содан соң, ТҚЖБ оның төлем қабілеттілігін бағалай отырып, оған жылдығы 7% мөлшерлемесі бойынша, оны әрі қарай 3,8 %-ға дейін төмендетумен, 15 жылға кредит берді.

Тұрғын үй сертификатын Лаура Баймурзаева 2018 жылғы 29 желтоқсанда Астана қаласы әкімі Бақыт Сұлтановтың қолынан алған еді. Сол сәтте осындай номиналы 1 млн теңгені құрайтын тұрғын үй сертификаттарын жалпы алғанда 90 адам алған еді. Олардың қатарында мұғалімдер ғана емес, дәрігерлер мен полицейлер де бар. Жалпы алғанда, Астана әкімдігі оларға 90 млн теңге бөлген.

- Бюджеттік қызметкерлердің меншікті тұрғын үйді сатып алуы олардың бойына болашаққа деген сенімділікті ұялатып қана қоймай, білім беру, денсаулық сақтау және құқық қорғау органдары саласындағы қалалық қызметтердің жоғары білікті мамандарының корпусын қалыптастыруға көмектеседі. 2019 жылы Астана әкімдігі мен Тұрғын үй құрылыс жинақ банкі дәрігерлерді, мұғалімдерді және полицейлерді қол жетімді баспанамен қамтамасыз ету бойынша бірлескен жұмысты жалғастырады. Астаналық билік өкілдері осы мақсаттар үшін 2 млрд теңге бөлуді және бюджеттік саланың 2 000 қызметкерін тұрғын үй сертификаттарымен қамтамасыз етуді жоспарлап отыр. Бұл жағдай олардың 20%-ды құрайтын ең төменгі бастапқы жарнаға ақшаны жылдамырақ жинақтауына мүмкіндік береді. Содан кейін ҚТҚЖБ, жылдық  7% мөлшерлемесі бойынша, оны әрі қарай төмендетумен, кредит береді, – деп Тұрғын үй құрылыс жинақ банкі Орталық филиалының директоры Жансұлтан Матаев атап көрсетті.

Тұрғын үй сертификаттарын алушылардың бүкіл тізімін бірқатар сипатбелгілер бойынша Астана әкімдігі жасайды. Өтініш берген сәтте мұғалімдерде, дәрігерлерде және полицейлерде Астанада және оның маңында баспанасы болмауы  тиіс. Сондай-ақ, үміткерлер және олардың отбасы  мүшелері тұрақты астаналық тіркеуде болуы тиіс. Сонымен қатар олар Тұрғын үй құрылыс жинақ банкі АҚ-ның салымшылары болуы тиіс және олардың өз шоттарында жинақтаулары болуы  тиіс.

Астана әкімдігі төлем қабілеттілігін растау үшін іріктелген үміткерлердің дайын тізімін ҚТҚЖБ-ға жібереді. Содан соң үміткерлердің соңғы пулы жасалады және бір ай ішінде ақша Тұрғын үй құрылыс жинақ банкіндегі шоттарға аударылады. Осыдан кейін әлеуметтік көмекті алушыға тұрғын үйді таңдауға және оны сатып алуға уақыт беріледі.

Соңғы жаңалықтар
20.05.2019
АҚШ долларының бір айдан кейін орташа бағамы 380,6 теңге деңгейінде болады деп күтілуде
ҚҚҚ 2019 жылғы мамырда кейбір индикаторларға қатысты қаржы нарығының кәсіби қатысушыларына кезекті сауалнама нәтижелерін ұсынады
16.05.2019
2019 жылдың бірінші тоқсанында жиынтық салық түсімдері 23,7-ге артты %
Оның ішінде, жергілікті бюджеттерге салық түсімдері 3,3%-ға, ал Ұлттық қорға-55%-ға өсті
14.05.2019
Қазақстандық экспорт құрылымындағы мұнай үлесі 59%-дан 56%-ға дейін төмендеді
Сіздердің назарларыңызға 2019 жылғы 1 сәуірдегі жағдай бойынша ҚР экспортының және импортының шолуын ұсынамыз
24.04.2019
Ұлттық банк Әзірбайжанның БЖЗҚ портфелінен 29,8 млрд теңгеге мемоблигациясын жүзеге асырды
Портфеліндегі зейнетақы қорының қалуда әзірбайжан мемлекеттік қағаздар сомасы 54,8 млрд. теңге
22.04.2019
Сарапшылар келесі жылдың базалық мөлшерлеменің одан әрі төмендеуін күтуде
ҚҚҚ қаржы нарығының кәсіби қатысушыларына 2019 жылдың сәуір айындағы кейбір индикаторларға қатысты кезекті сауалнама нәтижелерін ұсынады
15.04.2019
Қаңтар айында экспорт 29%-ға өсті
Сіздердің назарларыңызға 2019 жылдың 1 ақпандағы жағдай бойынша ҚР экспортының және импортының шолуын ұсынамыз