11.07.2019
458 cапарлар
Тұрғын үй құрылыс жинақ банкі Қазақстан қор биржасында облигацияларын орналастырады

Тұрғын үй құрылыс жинақ банкі («Бәйтерек» холдингінің еншілес ұйымы) қолданыстағы және жаңа тұрғын үй бағдарламаларын қорландыру мақсатында Қазақстан қор биржасында 20 млрд теңге сомасындағы купондық облигацияларды орналастырады. Облигациялардың кірісі жылдық 9,5%-10,5%-ды құрайды. Бағалы қағаздардың айналым мерзімі – 7 жыл. Қор биржасы алаңындағы сауда 2019 жылдың 17 шілдесінде өтеді.

Бұл туралы инвесторлармен өткен кездесу барысында Тұрғын үй құрылыс жинақ банкінің басқарма төрайымы Ләззат Ибрагимова мәлімдеді. Бұл кездесу KASE алаңында Эмитент күні шеңберінде ұйымдастырылды.

– Бүгін Тұрғын үй құрылыс жинақ банкіне 16 жыл. Осы уақыт аралығында ол барынша нығайып, қазіргі сәтте қазақстандық нарықтың көшбасшысы саналады. Банк өнімдерінің арқасында шамамен 200 мыңдай салымшы қоныс тойын атап өтті. Ал тағы 1,4 млн қазақстандық 692,3 млрд теңге көлеміндегі өз қаражатын Тұрғын үй құрылыс жинақ банкінде жинақтауда. Оларға қолжетімді банк құралдары мен жаңа тұрғын үй бағдарламаларын ұсыну үшін банк қор жинаудың баламалы көздерін тартып, банк тарихында алғаш рет өз облигацияларын Қазақстан қор биржасында орналастырады, – деп атап өтті Ләззат Ибрагимова

Өткен жылы, банк «Әскери баспана» атты өзінің жеке тұрғын үй бағдарламасын іске қосу үшін 98 млрд теңге қаражат бөлген. Олардың 48 млрд теңгесі банкке тиесілі болса, ал 50 млрд теңгесіне Тұрғын үй құрылыс жинақ банкі облигациялар шығарып, оларды «Астана» Халықаралық қаржы орталығының биржалық алаңында орналастырды. Жалпы алғанда, екі жыл ішінде «Әскери баспана» бағдарламасы 6 194 әскери қызметкерлердің өз баспаналарына қол жеткізуіне көмек көрсетті.

Қазіргі сәтте банк 253,3 млрд теңге сомасына 23 657 займ берді. ҚР Ұлттық банкінің деректеріне сай, Тұрғын үй құрылыс жинақ банкі 2019 жылдың 5 айы ішінде қазақстандық ипотеканың 52%-ын берді. Бұған қоса, несиелік портфельдің ең жоғарғы сапасы Тұрғын үй құрылыс жинақ банкінде. NPL (90 күннен астам мерзімі өткен несие) 0,18%-ға тең.

Тұрғын үй құрылыс жинақ банкі жеке капиталының көлемі бойынша екінші орында және  қазақстандық 28 банктің арасында активтер мөлшері жағынан сегізінші орында.

Қазіргі сәтте банк «Нұрлы жер» бағдарламасының жаңа бағыты – Табысы төмен отбасыларға тұрғын үй сатып алуға несие беру бағдарламасын («Бақытты отбасы») іске қосуға дайындық үстінде. Бұл бағдарлама халықтың ең осал топтары, яғни, көпбалалы және толық емес отбасыларға, мүмкіндігі шектеулі балаларды асырап отырған отбасылар үшін тұрғын үйдің қолжетімділігін арттыруға мүмкіндік береді. Бағдарлама бойынша бастапқы жарна мөлшері пәтер бағасының 10%-ын құраса, займ мөлшерлемесі 2%-ға тең. Несие беру мерзімі – 20 жылға дейін.

Бақытты отбасы банкке 50 млрд теңге мөлшерінде қаражат түскеннен кейін іске қосылады. Несиелендіруге бөлінетін қаражат республикалық бюджетте қарастырылған.

Соңғы жаңалықтар
30.03.2020
Ақпан айында қолма-қол ақшасыз төлемдерің көлемі 300 млрд теңгеге өсті
ҚҚҚ талдау орталығы сіздердің назарларыңызға 2020 жылғы 01 наурыздағы жағдай бойынша карточкалар бойынша қолма-қол ақшасыз төлемдер бойынша статистикаға шолу ұсынады
28.03.2020
Дағдарыстан зардап шеккен кәсіпкерлер мен халық үш ай кредиттік демалыс алады
18.03.2020
Қазақстанның қаржы секторы дағдарысқа қарсы шараларды жүзеге асыруға және кәсіпкерлерді қолдауға қатысады
17.03.2020
Қаңтар айында мұнай мен газ экспортынан түскен табыс 900 млн долларға төмендеді
Сіздердің назарларыңызға 01 ақпан 2 020 жағдай бойынша ҚР экспорты мен импортына шолу ұсынамыз
06.03.2020
Ұлттық қордың активтері екі айда жарты триллион теңгеге төмендеді
Бұл ретте салықтық түсімдер 37,1 %-ға азайды
28.02.2020
Қаңтар айында қазақстандықтар интернетте 1,2 трлн теңге жұмсаған
Аналитический центр АФК представляет вашему вниманию обзор статистики по безналичным платежам по карточкам по состоянию на 01 февраля 2020 года