12.06.2019
3919 cапарлар
ҚҚҚ мүшелерінің жыл сайынғы жалпы жиналысында нарықты дамытудың одан әрі бағыты анықталды

Қазақстан қаржыгерлері қауымдастығының мүшелері, соның ішінде банктер, сақтандыру ұйымдары, брокерлік және активтерді басқару компаниялары, лизингтік компаниялар және қаржы нарығының басқа да қатысушылары 2018 жылдың нәтижелерін және бүгінгі күні қаржы секторы тап болатын сын-қатерлерді талқылады.

2018 жылы ҚҚҚ түрлі деңгейдегі 402 мемлекеттік органдардың отырысына қатысты, 528 жұмыс тобы мен 200-ден астам түрлі іс-шаралар өткізді. Қауымдастық қаржы нарығының қатысушыларымен бірлесіп түрлі заң жобалары мен бастамалар бойынша 525 сараптамалық қорытынды дайындады.

Негізгі мәселелер: Қауымдастық мүшелерінің экономикадағы қаржы секторының рөлін арттыру бойынша бірлескен жұмысы, қаржы ұйымдарын реттеудегі өзгерістер, сақтандыру секторы мен қор нарығын дамыту, сондай-ақ қаржы нарығына басқа қатысушылардың басым мәселелері, соның ішінде қаржы қызметтерінің жаңа түрлері болды.

Жиналыстың күн тәртібіндегі маңызды мәселе Қауымдастықтың жаңа жарғысын бекіту болды. Жарғының жаңа редакциясы ҚҚҚ қызметінде оның 20 жыл ішінде болған өзгерістерді және қаржы нарығының барлық қатысушыларын біріктіру жөніндегі қауымдастық алдында тұрған міндеттерді көрсетеді.

Ең маңызды шешім Қаржыгерлер қауымдастығы мүшелерінің «Қаржы нарығындағы кәсіби этика кодексін» қабылдауы болды.

Қаржы секторы көптеген салаларда көшбасшылықты көрсетеді, бизнесті кәсіби және этикалық жүргізу сияқты іргелі фактордағы көшбасшылық маңызды болып табылады, сондықтан ҚҚҚ мүшелер қызметінің жалпы этикалық қағидаттарын анықтау мақсатында «Қаржы нарығындағы кәсіби этика кодексі» әзірленді.

Қаржы ұйымдары – ҚҚҚ мүшелері кодексті бекіте және қабылдай отырып, өз қызметінде оның қағидаттарын ұстануға міндеттеме алды.

Жалпы жиналыстың шешіміне түсініктеме бере отырып, ҚҚҚ кеңесінің төрайымы Елена Бахмутова: «Мықты қаржы секторы экономикалық өсудің қажетті шарты және қуатты ынталандыруы болып табылады. Қаржылық тұрақтылықпен қатар дамыған қаржы нарығының негізі нарыққа қатысушылардың, инвесторлардың және қаржылық қызметтерді тұтынушылардың өзара сенімі болып табылады. Қазақстандық қаржы нарығындағы сенімді нығайту қауымдастық қызметінің негізгі бағыттарының бірі болып табылады. Кодекстің ұсынымдық сипаты бар, алайда Кодекстің құндылықтар жүйесіне бейілділік клиенттердің, қызметкерлердің, серіктестердің, реттеушінің және жалпы қоғамның сенімін нығайтуға ықпал етеді».

Халықаралық тәжірибе этикалық нормаларды сақтау салаға, мамандыққа және процестің әрбір жеке қатысушысына деген сенімді арттыруға мүмкіндік беретінін көрсетеді. Этика кодекстері этикалық қағидаттарды әзірлеу және қолдау функциясын кәсіби бірлестіктер жүзеге асыратын көптеген дамыған елдерде бар. Дамушы нарықтарда этикалық стандарттар жиынтығын әзірлеу бастамасы қаржы нарықтарын реттеушілерге жиі тиесілі.

Осылайша, Қазақстан посткеңестік кеңістіктегі алғашқы ел болды, онда бұл құжат қаржы нарығына қатысушылардың өздері әзірлеген және қабылдаған.

Қаржы нарығындағы кәсіби этика кодексі (*.docx)

Соңғы жаңалықтар
30.06.2025
Қазақстандағы әрбір екінші автокөлік несиеге сатып алынады
ҚҚҚ талдау орталығы сіздердің назарларыңызға 2025 жылдың бірінші тоқсанындағы қазақстандық автокредиттеу нарығына шолу ұсынады.
25.06.2025
BNC Finance Kazakhstan МҚҰ банк лицензиясын алуымен құттықтаймыз
ҚҚҚ BNC Finance Kazakhstan МҚҰ-ны банкке айналуымен және Қазақстан Республикасы Қаржы нарығын реттеу және дамыту агенттігінен банк операцияларын жүзеге асыруға лицензия алуымен құттықтайды.
25.06.2025
Қазақстан қаржыгерлерінің қауымдастығы Әзірбайжан банктер қауымдастығымен Өзара түсіністік туралы меморандумға қол қойды
Бакудегі Fintex Summit 2025 алаңдарында қол қойылған құжатқа сәйкес, тараптар ҚҚҚ мен ӘБҚ арасындағы ынтымақтастықты жолға қоюға, Қазақстан мен Әзірбайжанның қаржы қауымдастықтары арасындағы әріптестікке жәрдемдесуге және екіжақты байланыстарды дамытуға, семинарлар мен білім беру бағдарламаларын қоса алғанда, банк саласында бірлескен іс-шараларды өткізуге көмектесуге, салалық ақпаратпен алмасуға және Қазақстан мен Әзірбайжанда өз қатысушы банктерінің бизнесін дамыту үшін байланыс арнасын ұйымдастыруға өзара ниет білдірді.
12.06.2025
Тек әрбір төртінші өтінім ипотекалық қарыздар бойынша мақұлданады
ҚҚҚ талдау орталығы сіздердің назарларыңызға 2025 жылдың бірінші тоқсанындағы Қазақстанның ипотекалық нарығына шолу ұсынады.
05.06.2025
Мөлшерлеме, инфляция және курс: сарапшылардың күтуіндегі қалыпты оптимизм
ҚҚҚ талдау орталығы сіздердің назарларыңызға 2025 жылғы маусымдағы кейбір индикаторларға қатысты қаржы нарығының кәсіби қатысушыларының кезекті сауалнамасының нәтижелерін ұсынады.
04.06.2025
Корпоративтік несиелеу: шағын бизнес белсенді, тоқыраудағы инвестициялық несиелер
ҚҚҚ талдау орталығы сіздердің назарларыңызға 2025 жылғы 1 тоқсандағы кәсіпкерлік субъектілерін кредиттеуге шолу ұсынады.