ҚҚҚ-на кіру ережесі
ҚҚҚ-на кіру ережесі

ЖАЛПЫ МӘЛІМЕТ

Қазақстан қаржыгерлер қауымдастығы Қазақстан Республикасы Президенті жанындағы кәсіпкерлік Кеңесіне кіреді.

ҚҚҚ қаржы нарығындағы 160 қатысушыларды біріктіреді,  оның ішінде, банктер, сақтандыру ұйымдары және брокерлер, «БЖЗҚ» АҚ, бағалы қағаздар нарығындағы басқа да кәсіби қатысушылар, ипотекалық және лизингтік компаниялар, микро-қаржы ұйымдары және ломбардтар, аудиторлық, консалтингтік және ғылыми-білім беру ұйымдары.

ҚҚҚ құрамына енген қаржы ұйымдары Қазақстанның барлық қаржы қауымдастығының өкілдік буынын құрайды.

ҚҚҚ МҮШЕЛЕРІНІҢ МҮДДЕЛЕРІН ТАНЫСТЫРУ ЖӘНЕ ҚОРҒАУ

ҚҚҚ Қазақстан Республикасы Ұлттық Банкімен және Қазақстан Республикасы қаржы министрлігімен ынтымақтастық туралы келісімдерге қол қойған. Осыған орай, ҚҚҚ мүшелері уәкілетті органдар жасайтын нормативтік-құқықтық акті жобаларына қолжеткізуге мүмкіндіктері бар, және қажетті Жұмыс топтарының отырыстарына тікелей түрде қатысуға және аталмыш жобалар бойынша өз ұсыныстарын білдіру мүмкіндіктеріне ие.

ҚҚҚ өз мүшелерінің атынан және олардың көмек, қолдауымен басқа да мемлекеттік құрылымдармен, қоғамдық ұйымдармен, бизнес-қауымдастықтарымен бүгінгі күнде жұмыс жасап жатырған қаржы ұйымдарын реттеу бойынша заңнамаларды одан әрі жетілдіру бойынша диалог жасайды.

ҚҚҚ бүгінгі күнде жұмыс жасап жатырған қаржы секторын реттейтін нормативтік-құқықтық актілерді зерттеу бойынша білім беру мекемелерімен, қоғамдық бірлестіктермен және халықаралық ұйымдармен қарым-қатынас жасайды.

Заңнамаларды одан әрі жетілдіру бойынша тұрақты түрде жұмыс жасау, қаржы ұйымдарының басқару жүйесін (менеджментін) жақсарту және көтеру бойынша ынталандырады.

ҚҚҚ мүшелеріне өз мүдделерімен қызығушылықтарын ҚҚҚ-ның басқа мүшелері секілді еркін түрде жеткізіп оны қорғауға мүмкіндік беріледі, сонымен қатар, жаңа жобаларды, бастамаларды (бағдарламаларды) көтеруге, айтуға және қажет болса оларды жүзеге асыруда ҚҚҚ тарапынан қолдауға ие болуға мүмкіндіктер беріледі.

ҚҚҚ өз мүшелерімен жұмыс қарым-қатынасын орнату және өзара әріптестік орнату бойынша белсенді жұмыстар атқарып келеді.

 АҚПАРАТТЫҚ ҚОЛДАУ

ҚҚҚ Комитеттері және Жұмыс топтарының жағдайлары туралы кең көлемді материалдармен ақпараттарға қол жеткізуді қамтамасыз ету мақсатында, статистикалық – сараптамалық материалдар, қаржы секторы бойынша басылым, жарияланымдарды және басқа да мәліметтер ҚҚҚ веб-сайтында «Жеке кабинет» бөлігінде қойылады.

ҚҚҚ өз мүшелерін үнемі және тұрақты түрде қаржы, қор нарығы және валюта нарығы бойынша жаңадан қабылданған нормативтік-құқықтық актілердің қабылданғаны туралы ақпарат беріп отырады.

ҚҚҚ өз мүшелеріне қаржы саласы қызметін одан әрі дамыту және жетілдіру бойынша халықаралық ұйымдардың ұсыныстарын, кеңестерін (материалдарын) жеткізіп отырады.

ҚҚҚ мүшелері, қауымдастық қамқорлығымен өткізілетін қаржы нарығы мәселелері бойынша дөңгелек үстелдерге, конференцияларға, семинарларға (тренингтер) қатысады, бұл жиындарда олар қарастырылып отырған сұрақтар бойынша өздерінің ұстанымдарымен ұсыныстарын айтуға, оларды жеткізуге құқылы.

Қауымдастықтың Жарғысына сай, қауымдастыққа мүшелікке өту бойынша шешім, өтініш берілген кезден бастап Қауымдастық Кеңесі тарапынан бір ай мерзім ішінде қаралып, шешім шығарылады. Өтініштің қаралуы нәтижесінде Сізге міндетті түрде қажетті хабарландыру жіберіледі.

Қазақстан қаржыгерлер қауымдастығына мүшелікті рәсімдеу үшін Сізге ҚҚҚ-на кіру туралы Өтінішті толтырып, оны Қауымдастыққа жіберуіңіз керек, бұл орайда ҚҚҚ, ҚҚҚ мүшелерінің мүшелік жарналарының арқасында қызмет етеді.

Жыл сайынғы ең төменгі, минималды мүшелік жарна мөлшерін ҚҚҚ Кеңесі анықтайды және ол ҚҚҚ мүшесі туралы Куәлігі алынған уақыттан бастап 2 апта ішінде төленеді.