29.05.2019
223 cапарлар
Тұрғын үй құрылыс жинақ банкі бір ай ішінде 3 800 әскери қызметкердің тұрғын үй мәселесін шешті

Тұрғын үй құрылыс жинақ банкі ағымдағы жылы әскери қызметкерлерге арналған тұрғын үй бағдарламасын сәтті түрде жүзеге асырды. Жаңартылған шарттар бойынша, бұл бағдарлама 2 мамырда басталып, 27 мамырда мерзімінен бұрын аяқталды. 19 жұмыс күні ішінде 10,7 млрд теңге сомасына 680 заем берілді. Сондай-ақ, 46,7 млрд теңге сомасына тағы 3 143 несиелік өтінім қабылданды. Аталған өтінімдер қарастырылғаннан кейін, олар бойынша несие беріле бастайды.

Осылайша, әскери қызметкерлерді несиелендіруге бөлінген қаражаттың жылдық лимиті толықтай игерілді. «Әскери баспана» тұрғын үй бағдарламасын жүзеге асырудың үшінші кезеңі 2020 жылдың қаңтар айында басталады.

Естеріңізге сала кетсек, аталған бағдарлама шеңберінде заемды 15 пайыз бастапқы жарнамен және жылдық 8 пайыз мөлшерлемемен алуға болады.

Заемды алу үшін, әскери қызметкерлердің 2018 жылдағы секілді конкурсқа қатысып, оның нәтижесін күтулері қажет емес. Олар тек өздігінен керек пәтерді тауып, банкке хабарласуына болады. Сондай-ақ, тұрғын үйді таңдауға еш шектеу қойылмайды. Дайын пәтерді жаңа салынған үйден не қайталама нарықтан таңдап алуға, сондай-ақ, үлестік құрылысқа қатысуға немесе жеке тұрғын үйді жер телімімен қоса сатып алуға болады.

- «Әскери өнім» – банктің жеке бастамасы. Бұл бағдарламаны әскери қызметкерлердің өте тиімді шарттар бойынша өз баспанасына қол жеткізуіне көмек көрсету мақсатында дайындап, іске қостық. Арнайы осы үшін Тұрғын үй құрылыс жинақ банкі өткен жылы 98 млрд теңге қаражат бөлді. Олардың 48 млрд теңгесі – банктің өз қаражаты, ал 50 млрд теңгесі – қарызға алынған ақша. Осылайша, 2018 жылдың қорытындысы бойынша біз 2 556 әскери қызметкерге 38,5 млрд теңге сомасына заем беріп, олардың өз баспаналарына қол жеткізуіне қол ұшын бердік. Биыл әскери қызметкерлерді несиелендіру үшін 60 млрд теңге қалды. Бұл сома шамамен тағы 4 000 әскеридің тұрғын үй жағдайын жақсартуға жетеді. Шамамен 70 000 әскери қызметкердің баспанаға мұқтаж екендігін ескере отырып, екі жылға толмайтын уақыт ішінде банк олардың 10%-на тұрғын үй мәселесін шешуге көмектесті, - деп атап өтті Тұрғын үй құрылыс жинақ банкінің Басқарма Төрайымы Ләззат Ибрагимова.

Осы жылы ең көп заем Нұр-Сұлтан қаласы (28.05.19 ж. мәліметтер бойынша 294 заем берілді), ШҚО (28.05.19 ж. мәліметтер бойынша 99 заем берілді) және Семей қаласында (28.05.19 ж. мәліметтер бойынша 77 заем берілді) берілді.

«Әскери баспана» бағдарламасы жүзеге асырылған соңғы күні Семей қаласында тұратын Гүлнәз Сақпанбаеваға несие берілді. Шекара әскерлері аға сержанты өзінің 3 бөлмелі пәтерін қайталама нарықта 13 млн. теңгеге сатып алды. Заем сомасы 13 жылды құрайды. Несиені өтеуге көмек көрсету үшін мемлекет Гүлнәзға тұрғын үй төлемдерін төлейтін болады.

- Өткен жылы қызмет мерзіміне байланысты тұрғын үй бағдарламасына қатыса алмадық. Биыл «әскери өнім» шарттары жаңартылды. Сол себепті отбасымызбен оның басталуын асыға күттік. Біз алдын-ала ыңғайлы пәтерді іздестіріп, жұмыс орнынан қажетті құжаттарды жинастыра бастадық. Оларды өз мерзімінде өткізіп, оң шешім шығуын күттік. Ал енді міне жұбайым және 2 баламызбен бірге өзіміздің кең баспанамызға көшуге дайындалып жатырмыз, - деді Гүлнәз Сақпанбаева.

Тұрғын үй құрылыс жинақ банкінің мәліметі бойынша, «Әскери өнім» тұрғын үй шарттарын жақсартуға бағытталған банктің көптеген құралдарының бірі ғана. Әскерилер, сондай-ақ, өз пәтерлерін «Нұрлы жер» бағдарламасы бойынша сатып алуларына болады. Бұл бағдарламаға қатысу үшін банктегі шотта 20 пайыз көлемінде бастапқы жарнаның болуы тиіс. Сол жағдайда несиені жылдық 5 пайыз мөлшерлемемен алуға болады. Тұрғын үйлер мен олар бойынша өтініш қабылдау мерзімі жайлы ақпарат baspana.kz жарияланған.

Аталған кезеңде әскери қызметкерлердің үштен бірі алдағы уақытта тұрғын үй заемын алу үшін Тұрғын үй құрылыс жинақ банкіндегі шотында өз тұрғын үй төлемдерін жинақтауды қолға алған. Бұл заем түрі жылдық 3,5-тен 5 пайызға дейінгі мөлшерлемемен беріледі. Оны алу үшін, депозитте үй бағасының 50 пайызын жинау қажет.

Соңғы жаңалықтар
18.10.2019
Италия мен Францияға мұнай сату тамыз айында 0,5 млрд долларға артты
Cіздердің назарларыңызға 2019 жылғы 01 қыркүйектегі жағдай бойынша ҚР экспорты мен импортына шолу ұсынамыз
14.10.2019
Сарапшылар қазан айында теңгенің одан әрі әлсіреуін күтпейді
ҚҚҚ 2019 жылғы қазанда кейбір индикаторларға қатысты қаржы нарығының кәсіби қатысушыларына кезекті сауалнама нәтижелерін ұсынады
26.09.2019
БЖЗҚ портфеліндегі трежеристің ағымдағы құны тамыз айында 485,9 млрд теңгеге артты
Сонымен қатар қазақстандық ЕДБ-ға инвестициялар үлесі бір ай бұрын 16,0%-дан 15,6%-ға дейін төмендеді
20.09.2019
Қазақстандық банктер мен Қаржыгерлер қауымдастығы төлем карталары мен онлайн қызметтерді қолдану кезінде қауіпсіздік шараларын сақтауға шақырады
Қазір алаяқтықтың телефон арқылы банк қызметкері ретінде таныстырып, шоттар арқылы онлайн операцияларды жүргізу үшін жеке мәліметтерді білуге тырысатын түрі кең тарап отыр
19.09.2019
Мұнай экспортынан түскен түсім шілде айында 740 млн долларға қысқарды
Сіздердің назарларыңызға 2019 жылғы 01 тамыздағы жағдай бойынша ҚР экспорты мен импортына шолу ұсынамыз
13.09.2019
Ұлттық қордың кірісі 18% өсті
Бұл ретте соңғы айларда мұнай бағасының төмендеуі аясында салық түсімдерінің азаюы байқалады