ҚҚҚ талдау орталығы назарларыңызға 2026 жылғы шілдедегі кейбір индикаторларға қатысты қаржы нарығының кәсіби қатысушыларына жүргізілген кезекті сауалнама нәтижелерін ұсынады.

Зерттеуде қаржы нарығының кәсіби қатысушыларының, банк, сақтандыру, брокерлік ұйымдар өкілдерінің, талдау және қазынашылық бөлімшелері қызметкерлерінің пікірі зерделенді. Осы жарияланымда келесі негізгі индикаторлар бойынша болжамдарға қатысты сұрақтарға респонденттердің жауаптары берілген:

1. Brent маркалы мұнайдың құны;
2. Қазақстандық теңгеге қарсы АҚШ долларының құны;
3. Инфляция;
4. ЖІӨ;
5. ҚРҰБ базалық мөлшерлемесі. 

Резюме

• Маусым айында нарық күткеннен де айтарлықтай көлемде базалық мөлшерлеме бірден 100 б.т. төмендегеннен кейін және жекелеген проинфляциялық тәуекелдер бір мезгілде күшейген тұста, шілде айындағы сауалнамаға қатысушылардың жартысынан көбі (53%) 24 шілдеде өтетін отырыста ҚРҰБ үзіліс жасап, мөлшерлемені 17,0% деңгейінде сақтайды деп күтеді.
• Респонденттердің қалған 47% мөлшерлеме 16,75% дейін одан әрі төмендеуі мүмкін деп есептейді. Мұндай сценарий жылдық инфляцияның баяулауы, инфляциялық күтулердің төмендеуі, жоғары нақты пайыздық мөлшерлемелердің сақталуы және ішкі сұраныстың бәсеңдеуіне негізделуі ықтимал.
• Шілде айында жылдық көкжиектегі инфляциялық күтулердің бағалауы 10,4% дейін төмендеді (бұрын 10,6% болған). Мұның негізгі себептері — қатаң ақша-несие жағдайларының сақталуы, ұлттық валюта бағамының нығаюы және экономикадағы инфляциялық қысымның біртіндеп бәсеңдеу белгілері. Бұл жағдай ақша-несие саясатын одан әрі жұмсартуға мүмкіндік береді.
• Бұл ретте бір жылдан кейінгі базалық мөлшерлеме болжамы бұған дейінгі 15,75%-дан 14,75%-ға дейін төмендетілді. Инфляцияның бәсеңдеуі, нақты мөлшерлемелердің жоғары деңгейде сақталуы және ішкі сұраныстың салқындауы ҚРҰБ-ға мөлшерлемені кезең-кезеңімен төмендету циклін жалғастыруға жол ашады.
• Ақша-несие саясатын әрі қарай жұмсарту күтіліп отырғанына қарамастан, бір жылдан кейінгі нақты мөлшерлеме оң мәнде қалады — ол 4,35% шамасында болады (қазіргі уақытта 6,7%), бұл қаржы жағдайларының біршама қатаң күйінде сақталатынын білдіреді.
• Тамыз айының басына қарай USDKZT бағамы мұнай бағасындағы геополитикалық сыйақының өсуі, шетел валютасы ұсынысының артуы және теңге құралдарының тартымдылығы сақталуы аясында 483,3 ₸/$ деңгейінде қалыптасуы мүмкін (бұған дейін 498,5 болған).
• Алайда жылдық көкжиекте бағам болжамы жоғары қарай түзетіліп, 520,4 ₸/$ деңгейіне жетті (бұған дейін 518,9 болатын). Бұл теңге активтерінің тартымдылығы біртіндеп төмендейді деген болжамды, импорттың өсуін және ағымдағы шот тапшылығының ұлғаюын көрсетеді.
• Бір жылдан кейінгі Brent мұнайының орташа бағасы бойынша болжам шамамен өзгеріссіз қалып, барреліне 80 долларды құрады (бұған дейін 80,9 болатын). Таяу Шығыстағы геополитикалық шиеленіс бағаға қолдау көрсетуін жалғастырып жатыр, ал ОПЕК+ елдерінің өндірісті ұлғайтуы бағаның әрі қарай өсу әлеуетін шектейді.
• Бір жылдан кейінгі ЖІӨ өсімі болжамы қаржы жағдайларының жұмсартулуы күтілуі, инфрақұрылымдық жобалардың жүзеге асырылуы және қолайлы шикізат конъюнктурасының сақталуы аясында 4,5%-дан 4,6%-ға дейін сәл өсірілді.

ЖАУАПКЕРШІЛІКТІ ШЕКТЕУ

Бұл нәтижелер инвестициялық ұсыныс болып табылмайды және тәуелсіз сарапшылардың пікірлерін көрсетеді, сондай-ақ ұсынылған ұйымдардың ресми пікірі болып табылмайды. ҚҚҚ, осы зерттеуге қатысушылар сияқты, осы шолуда ұсынылған болжамдар үшін белгілі бір уақытта сараптамалық пікірлерден артық емес жауап бермейді.

Қаржы және тауар нарықтарындағы бағалардың өзгеруі сипаты мен әсері бойынша әлемде болып жатқан көптеген оқиғалардың салдары болып табылады. Болжау өзектілігін бірден жоғалтуы мүмкін бірқатар болжамдарды қамтиды. Жоғарыда баяндалғанға байланысты ҚҚҚ жария түрде жария етілетін кез келген болжамдарға тиісті сақтықпен қарауды ұсынады.

  Сарапшыларының сауалнамасы PDF-нұсқасы

Талдау материалдарын кез келген пайдалануға тек afk.kz дереккөзіне гиперсілтеме болғанда ғана жол беріледі.