2022 жылдың 15 қарашасында Алматы қаласында «ҚАРЖЫ САЛАСЫНЫҢ НАҚТЫ СЕКТОРДЫ ДАМЫТУДАҒЫ РӨЛІ: СЫН-ҚАТЕРЛЕР МЕН МҮМКІНДІКТЕР» атты Қазақстан қаржыгерлерінің X конгресі өтеді. Іс-шараны Қазақстан қаржыгерлерінің қауымдастығы Қазақстан Ұлттық Банкі мен ҚР Қаржы нарығын реттеу және дамыту агенттігінің қолдауымен ұйымдастырды.
Дәстүр бойынша қаржыгерлер конгресі мемлекеттік органдар мен қаржы ұйымдарының өкілдері макроэкономикалық саясат пен қаржы секторының маңызды мәселелерін талқылайтын негізгі диалог алаңы болып табылады. X Конгресс шеңберіндегі пікірталас тақырыбы мемлекеттің және Қазақстанның қаржы институттарының экономиканы несиелеудегі рөлі, қаржы және нақты сектор ынтымақтастығының синергиясы болады, сондай-ақ цифрлық теңгенің тұсаукесері өтеді. Панельдік сессиялар шеңберінде қаржылық мүдделерді қорғау үшін сақтандыруды дамыту, Қазақстанның қор нарығындағы ахуал және институционалдық инвесторлардың әлеуеті, сондай-ақ қаржылық қолжетімділікке цифрлық көзқарас саласындағы қаржы секторы үшін сын-қатерлер мен мүмкіндіктер талқыланады.
Биылғы жылы Конгресс гибридті форматта өтеді. Конгресстің толық бағдарламасы fincongress.kz сайтта қол жетімді болады. Сол ресурста Конгресстің фотосуреттері, қатысушылардың деректері және басқа материалдар жарияланады. Пленарлық сессиялар мен панельдік пікірталастардың Онлайн-трансляциясы fincongress.kz сайтта және ҚР ҰБК-Қазақстан Ұлттық Банкі - YouTube ресми YouTube каналында ұйымдастырылады.