Қазіргі уақытта мессенджерлер мен әлеуметтік желілерді пайдаланушылар арасында теңгенің күрт құнсыздануы, бірыңғай валютаны енгізу және айналыстағы монеталардың тапшылығы туралы жалған ақпарат белсенді түрде таратылады. Көрсетілген ақпарат анық арандатушылық сипатқа ие және шындыққа сәйкес келмейді.

ҚҚҚ ай сайынғы негізде кәсіби қоғамдастық арасында теңге бағамы бойынша күтулерге зерттеу жүргізеді. Сарапшылардың өзекті бағалаулары бойынша, қазіргі уақытта ұлттық валютаның құнсыздануы үшін іргелі негіздер жоқ. Сарапшылар қауымдастығы бір ай ішінде экономикадағы тұрақты жағдайды ескере отырып, ағымдағы бағамға жақын, атап айтқанда АҚШ доллары үшін 384-385 теңге бағамын күтуде.

ЕАЭО аумағында "алтын" бірыңғай валютасын енгізу туралы пікірге келсек, бұл үшін ешқандай негіз жоқ. ЕАЭО туралы шартта бірыңғай валюта одағын құру және бірыңғай валюта енгізу қарастырылмаған.

Монеталардың тапшылығына қатысты қазіргі кезде екінші деңгейдегі банктер клиенттерге қызмет көрсету үшін жеткілікті мөлшерде монеталардың барлық номиналдарымен қамтамасыз етілгендігін атап өткен жөн.

ҚҚҚ және қаржы нарығына қатысушылар ақпараттық кеңістікте таратылатын қауесеттерге сенім білдірмеуді және оларды таратуға қатыспауды сұрайды.