Алматы, 7 желтоқсан 2023 ж. — Қазақстандық қаржы қызметтерін тұтынушылардан "Алмаз Кредит" АҚ-ға қатынасы туралы бірнеше рет сұрау алуына байланысты Қазақстан қаржыгерлерінің қауымдастығы төмендегілерді хабарлау қажет деп санаймыз.

Өзін "Алмаз Кредит" АҚ деп атайтын ұйым ешқашан Қазақстан қаржыгерлері қауымдастығының құрамына кіру туралы ресми өтінішпен жүгінбеген, оның мүшесі болып табылмаған және болып табылмайды. Тиісінше, қаржы қызметтерін тұтынушыларға баспа және/немесе электрондық нысанда ұсынылуы мүмкін осы ұйымның ҚҚҚ-ға мүшелігі туралы куәлік жалған болып табылады, ол Қазақстан Республикасы Қылмыстық кодексінің 385-бабына сәйкес қылмыстық жазаланатын әрекеттерге жатады және қылмыстық жауаптылыққа әкеп соғады.

Сонымен қатар, ҚҚҚ-да бар ақпарат бойынша бұл ұйымда Қазақстан Республикасының қаржы нарығындағы қызметті жүзеге асыруға ҚР Қаржы нарығын реттеу және дамыту агенттігінің қолданыстағы лицензиясы жоқ. Бұл автоматты түрде осы ұйымның қаржылық қызметтерді тұтынушылармен кез-келген өзара іс-қимылын заң шеңберінен шығарады және ол үшін әкімшілік және/немесе қылмыстық жауапкершілік қарастырылған заңсыз кәсіпкерлік санатына жатады.

Мүмкін болатын алаяқтық әрекеттердің құрбаны болмау үшін Қазақстан қаржыгерлерінің қауымдастығы қаржы қызметтерін тұтынушыларға ұйымның қаржы қызметтері нарығындағы қызметті ҚР Қаржы нарығын реттеу және дамыту агенттігінің интернет-ресурсында сілтемелер бойынша жүзеге асыруға заңды құқығы бар-жоғын тексеруді қатаң түрде ұсынады:

https://www.gov.kz/memleket/entities/ardfm/financial-organizations/24?lang=kk

https://www.gov.kz/memleket/entities/ardfm/financial-organizations/25?lang=kk

https://www.gov.kz/memleket/entities/ardfm/activities/788?lang=kk

https://www.gov.kz/memleket/entities/ardfm/financial-organizations/53?lang=kk