Қазақстанның қаржыгерлер қауымдастығы қылмыстық жолмен кірістерді заңдастыруға (жылыстатуға) және терроризмді қаржыландыруға қарсы іс-қимыл бағдарламасы бойынша (КЖҚ/ТҚ) екі күндік семинар өткізді. Кезекті семинар КЖҚ/ЛҚ сертификаттаудың ұлттық құрамдас бөлігіне арналды, онда 13 қаржы мониторингі субъектілері-ұйымдарының қызметкерлері қатысты.

Қазақстан Республикасының кейбір заңнамалық актілеріне қылмыстардан түскен кірістерді заңдастыруға (жылыстатуға) және терроризмді қаржыландыруға қарсы іс-қимыл мәселелері бойынша өзгерістер мен толықтырулар енгізу туралы заңға сәйкес, қаржы мониторингі субъектілерінің қызметкерлері КЖҚ/ТҚ туралы заңнама талаптарын сақтау үшін  дайындалуы және оқытылуы  тиіс.

Қазақстан қаржыгерлерінің қауымдастығы жүйелі түрде жергілікті және халықаралық стандарттарға сәйкестік сертификаттарын алу үшін емтихан тапсыра отырып, ұлттық және халықаралық компоненттерден тұратын сертификаттау бағдарламасын жүргізеді. Бағдарлама ақшаны жылыстатумен күрес саласындағы сертификатталған мамандар қауымдастығы (ACAMS), Қазақстан Республикасы Қаржы министрлігінің Қаржы мониторингі комитеті, Қазақстан Республикасының Ұлттық Банкі және Қазақстандағы АҚШ елшілігінің қолдауымен және ЕҚЫҰ бағдарламаларының жергілікті кеңсесінің көмегімен әзірленді.

Бағдарламаның лекторлары Ұлттық Банктің және екінші деңгейдегі банктердің сертификатталған қызметкерлері болып табылады, олар КЖҚ/ТҚ -дың заң талаптарына сәйкестігін қамтамасыз ету және енгізу бойынша мол тәжірибесі бар. Сертификаттау бағдарламасының ұлттық және халықаралық компоненттерінің құрамында қауіп-қатерлер, халықаралық стандарттар, ақшаны жылыстатумен күрес және тергеу процесін жүргізумен байланысты модульдер бар.

КЖҚ/ТҚ бағдарламасының кезекті семинары қазан айында өтеді. Қатысу үшін мына телефонға хабарласыңыз: +7 (727) 266-77-77, ішкі 109.