![](2019/05/AFK20th.jpg)
1999 жылдың 28 мамырында І қаржыгерлер конгресінің қорытындысы бойынша Қазақстан қаржыгерлерінің қауымдастығын құру туралы құрылтай келісім-шартына қол қойылды.
Қауымдастық Қазақстан Республикасы Тұңғыш Президенті Нұрсұлтан Назарбаевтың бастамасымен құрылған, ол өз сөзінде Конгреске қатысушыларға бірігуді және қаржы қауымдастығының мүдделерін білдіретін және заңнаманы жетілдіруге қатысатын кәсіби қауымдастықты құруды ұсынды.
Нұрсұлтан Назарбаевтың сөйлеген сөзінен: «Бүгінгі Форумның тәжірибесі негізінде барлық қаржы институттарын өзінің табиғаты бойынша ерікті және коммерциялық емес бірыңғай құрылымға біріктіру туралы ойлаған жөн. Бұл қаржы нарықтарының жұмыс істеуінің құқықтық тетіктерін бірлесіп әзірлеуге, заңнамалық және атқарушы биліктермен өзара қарым-қатынасты өркениетті құруға, жалпы проблемаларды шешуге көмектеседі. Бүгінгі Конгрестің бейнесі бойынша мұндай бірлестікті Қазақстан қаржыгерлерінің қауымдастығы деп атауға болады».
Конгресте қабылданған қарарға сәйкес Қазақстан қаржыгерлерінің қауымдастығы құрылды. Қауымдастықтың құрылтайшылары екінші деңгейдегі бес ірі банк пен сақтандыру компаниясы болды.
Әр жылдары қауымдастықты Дәулет Сембаев, Ораз Жандосов, Қадыржан Дамитов, Серік Аханов, Асқар Елемесов, Мағжан Әуезов және Юлия Якупбаева басқарды.
Бүгінде ҚҚҚ мүшелері 127 ұйым болып табылады, олардың ішінде барлық қазақстандық банктер, сақтандыру компаниялары мен бағалы қағаздар нарығына қатысушылардың басым бөлігі, білім беру мекемелері және қаржы нарығына басқа да қатысушылар. ҚҚҚ сондай-ақ бірқатар тар бейінді кәсіби қауымдастықтарды, технологиялық компанияларды (төлем сервистері, fintech), аудиторлық, лизингтік және басқаларды біріктіреді.
Елена Бахмутова, ҚҚҚ кеңесінің төрайымы: «Құрметті қаржыгерлер, ҚҚҚ мүшелері! Біздің еліміздің жаңа тарихында 20 жыл – бұл өте үлкен мерзім. Осы уақыт ішінде қауымдастық үлкен жұмыс атқарды, ол өзінің қажеттілігі мен өміршеңдігін дәлелдеді. Қаржы ұйымдарымен бірлесіп жұмыс істеу арқасында қауымдастық үлкен беделге және құрметке ие болды. Мен қауымдастық алаңында сараптама жасайтын, заңнаманы жетілдіруге көмектесетін нарықтың барлық қатысушыларына алғыс айтқым келеді. ҚҚҚ қаржы нарығына қатысушылардың мүдделерін қорғау және барлық секторды дамыту жөніндегі жұмысты жалғастырады. Сіздерді мерейтоймен шын жүректен құттықтаймын. Жаңа кәсіби жетістіктер тілеймін».
Бүгін ҚҚҚ 20 жылдығына орай мерейтойлық кеңес өтеді.