2016-шы жылдың 18-ші тамызында Қазақстан Республикасы қаржы тұрақтылығы және қаржы нарығын дамыту Кеңесінің (әрі қарай - Кеңес) отырысы болып өтті, отырыста сақтандыру саласының өзекті мәселелері қаралды.
Кеңес отырысында мына мәселелер қаралды:
- міндетті сақтандыру түрлерін оңтайландыру және жүктелме сақтандыру институтын енгізу;
- сақтандыру нарығындағы кәсіби қатысушылардың әкімшілік жауапкершілігі шараларын одан әрі жетілдіру;
- қаржы нарығында жосықсыз істердің алдын-алу шаралары;
- қайта сақтандыру қызметін дамыту;
- сақтандыру ұйымдарының инвестициялық қызметтері;
- сақтандыру омбудсменінің қызметін кеңейту;
- сақтандыру бойынша ортақ мәліметтер базасын дамыту мәселелері;
- өзара сақтандыру қоғамдастықтары қызметтерін реттеу;
- Қазақстан Республикасы Ұлттық мотор бюросын құру;
- Қазақстан Республикасында европротоколды енгізу.
Қабылданған шешімдер:
Қазақстан Республикасы Ұлттық Банкіне «Қазақстан қаржыгерлер қауымдастығы» ЗТБ-мен жұмыс тобы аясында ҚР сақтандыру қызметін одан әрі жетілдіру бойынша ортақ айқындаманы жасауда жұмыстарды жалғастыру.
Анықтама үшін:
Қазақстан Республикасы Президентінің 2010-шы жылғы 12-ші маусымындағы №994 Жарлығына сәйкес Қазақстан Республикасы қаржы тұрақтылығы және қаржы нарығын дамыту Кеңесі (әрі қарай - Кеңес) құрылды.
Кеңес Қазақстан Республикасы Президенті жанындағы консультативті-кеңесу органы болып табылады. Кеңес қаржы тұрақтылығын қамтамасыз ету және республиканың қаржы секторын тиімді дамыту сұрақтары бойынша ведомоствоаралық үйлестіруді жасау үшін құрылған.
Кеңес қаржы нарығы жүйесін дамыту саласындағы негізгі бағыттар бойынша мемлекеттік саясатты жасау функциясын атқарады.Одан басқа, Кеңес жүйелі тәуекелдікті азайту мақсатында қаржы нарығы секторын реттеу, үнемі бақылау мәліметтеріне сәйкес қаржылық тұрақтылықты қамтамасыз ету, жүйелі тәуекелділік деңгейі бойынша ұсыныстарды жасайды.
Кеңестің персоналды құрамын Қазақстан Респбуликасы Президенті бекітеді. Кеңестің Төрағасы Қазақстан Республикасы Ұлттық Банкінің төрағасы болып табылады. Кеңес құрамына Қазақстан Республикасы Президентінің өкілі, Ұлттық Банк төрағасының орынбасары, ҚР Қаржы министрілігінің бірінші басшылары және «Қазақстан қаржыгерлер қауымдастығы» ЗТБ төрағасы кіреді.