2024 жылғы 30 шілдеде ҚҚҚ жанындағы Лизинг комитетінің кезекті отырысы өтті, онда 2023 жылғы лизингтік қызметтің қорытындылары шығарылды. Қолда бар мәліметтер бойынша, лизингтік компаниялардың жиынтық портфелі 1 806 млрд теңгеден асты, 2023 жылы қаржылық лизинг келісімшарттары бойынша алынған лизингтік төлемдер көлемі 457 млрд теңгеден асты. 2023 жылы 987 млрд теңге сомасына 19 911 қаржы лизингі келісімшарты жасалды.

Лизингтік қызметті қаржыландыру көзі негізінен 553 млрд теңге көлемінде тартылған қаражат, оның ішінде 342 млрд теңге қарыз қаражаты, мемлекеттік бюджеттен 192 млрд теңге және 18 млрд теңге шетелдік инвестициялар болды. Лизингтік компаниялардың өз қаражаты есебінен 203 млрд теңге сомасына жобалар қаржыландырылды.

Көлік құралдары мен жабдықтардың лизингіне 416 млрд теңге, Басқа машиналар мен жабдықтардың лизингіне — 340 млрд теңге, ауыл және орман шаруашылығына арналған машиналардың лизингіне — 230 млрд теңге, Басқа да негізгі құралдарға — 0,4 млрд теңге бағытталды.