2016-шы жылдың 29-шы тамызы күні ҚҚҚ Кеңес төрағасы Мағжан Әуезов ҚҚҚ мүшелерімен – қазақстандық банк өкілдерімен бірге Қатар Орталық Банкі төрағасы Абдалла бен Сауд Аль-Тани бастаған қатарлық ірі қаржы институттары өкілдерімен кездесу өткізді.

Кездесу барысында банк және қаржы секторы мәселелері, дамуы бойынша белсенді түрде пікір алмасу, сонымен қатар, Қазақстан қаржыгерлер қауымдастығымен Қатар Орталық Банкі арасында қарым-қатынас орнатып, ынтымақтастықты дамыту мәселелері кеңінен қаралды. Кездесуге қатысушылар әлемдегі қаржы нарығындағы жағдайға тоқталып, ислам қаржы жүйесін дамыту бойынша ынтымақтастық мәселелерін талқылады. Кездесу барысында Қатар қаржы институттарында қазақстандық мамандарды оқыту және тәжірибеден өткізу, тәжірибе алмасу және технологияларды трансферлеу туралы келісімге қол жеткізді.

Қатар қаржы орталығының және қатарлық үлкен «Masraf Al-Rayan» ислам банкісінің жұмысы туралы ақпарттар үлкен қызығушылыққа ие болды. ҚҚҚ өкілдері өз кезегінде қатарлық әріптестерді еліміздің қаржы нарығы жұмысымен таныстыра отырып, банк саласына шетелдік инвесторларды шақыру, тарту мүмкіндіктерін атап өтті.

Кездесу нәтижесі бойынша келісілген келісімдер бойынша араласуды, диалогты және ынтымақтастықты одан әрі жалғастыру туралы шешім қабылданды.