Астана, Алматы, 2025 жыл 3 қыркүйек — Қазақстанның екінші деңгейлі банктері — «Kaspi Bank» АҚ, «Forte Bank» АҚ, «Еуразиялық банк» АҚ және «Alatau City Bank» АҚ, Қазақстан қаржыгерлері қауымдастығының (ҚҚҚ) қолдауымен, бірлескен мәлімдеме жасауды қажет деп санайды.

2025 жылғы 2 қыркүйекте Ақмола облысы прокуратурасы банк қызметкерлерінің қатысы бар ұйымдасқан қылмыстық топ туралы ақпарат жариялады.

Банктерге прокуратура органдарынан бұрынғы немесе қазіргі қызметкерлері осы тергеуге қатысы бар екені жөнінде ресми хабарламалар түскен жоқ. Қазіргі уақытта банктер аталған іс бойынша ақпарат беру туралы прокуратура органдарына ресми сұрау жолдамақ.

Қазіргі уақытта банктерге бұрынғы немесе қазіргі қызметкерлерінің осы қылмыстық іске қатысы бар екендігін дәлелдейтін фактілер белгісіз.

Жарияланған ақпаратты растайтын ресми құжаттар алған жағдайда, барлық банктер құқық қорғау органдарына клиенттердің құқықтары мен мүдделерінің бұзылу мәселесі бойынша тергеуде барынша қолдау көрсетуге дайын.

Жоғарыда аталған барлық банктер өздерінің іскерлік беделін жоғары бағалайды және қызметін Қазақстан Республикасы мен өзге юрисдикциялар заңдарына, халықаралық келісімдерге, ҚР уәкілетті органдарының нормативтік-құқықтық актілеріне, сондай-ақ ішкі нормативтік құжаттарға толық сәйкес әрі ашық түрде жүзеге асырады.

Қазақстанның кәсіби қаржы қауымдастығы прокуратура және басқа да құқық қорғау органдарын елдің қаржы институттарының іскерлік беделіне қауіп төндіруі мүмкін сезімтал тақырыптарға қатысты жария мәлімдемелерде барынша байыпты болуға шақырады.