Мәселен, дербес кредиттік есепте сіз өтелген төлем бойынша ағымдағы мерзімін өткізіп алу, өтеп болған кредитіңіз жөнінде немесе алаяқтық тәсілмен сіздің атыңызға ресімделген қарыз туралы ақпарат көрдіңіз. Сіз кредиттік тарихыңыздағы деректер шындыққа жанаспайды деп санайсыз. Fingramota.kz мұндай жағдайларда не істеу керектігін еске салады.
Кредиттік тарихтағы қате ақпаратты даулауға болады!Оны біздің сайтымыздағы «Кредиттік тарихтарды даулау» бөлімінде тегін сервис арқылы жасауға болады
Кредиттік тарихтағы қате ақпаратты қашықтан даулау процесін Қаржы нарығын реттеу және дамыту агенттігі кредиттік бюромен бірлесіп, 2022 жылы қаржылық көрсетілетін қызметтерді тұтынушылардың құқықтарын қорғау мақсатында енгізді.
Мұндай сервис туралы не білу қажет?
Кредиттік тарихтағы ақпаратты даулау үшін www.fingramota.kz сайтында даулауға беру күніне дейін 15 күннен кешіктірмей алынған дербес кредиттік есеп болуға тиіс.
Есепті мынадай кредиттік бюролардан:
- Мемлекеттік кредиттік бюродан (МКБ) – id.mkb.kz сайты арқылы өтініш беру жолымен;
- Бірінші кредиттік бюродан (БКБ) – www.1cb.kz, www.egov.kz электрондық үкіметтің порталдары арқылы, сондай-ақ тұрғылықты жері бойынша халыққа қызмет орталықтарында немесе «Қазпочта» АҚ бөлімшелерінде сұратуға болады.
Біздің сервисіміз арқылы өтініш беру үшін жүріп-тұруы шектеулі азаматтар базасында тіркелген қолданыстағы телефон нөмірі болу қажет.
Өтінімдер онлайн режимінде қабылданады. Өтініштерді өңдеу – заңнамада белгіленген мерзімде. Ақпаратты даулау туралы өтініш берілген күннен бастап 15 жұмыс күнінің ішінде және кредитордан алынған жауаптың негізінде өтініш берушіге кредиттік бюролардан тиісті нәтиже жіберілетін болады.
Ақпарат қате деп танылған және кредитор түзетулер енгізген жағдайда, бұл өзгерістер өтініш берушінің кредиттік есебінде көрсетіледі.
Өтінішіңіздің мәртебесін қайдан қадағалап отыру керек?
Мұны:
- МКБ-нің корпоративтік WhatsApp чаты арқылы: + 7(701) 485 08 34;
- БКБ порталындағы жеке кабинет арқылы жасауға болады.
Егер сіз дербес кредиттік есептегі қандай да бір маңызды ақпаратпен келіспейтін болсаңыз, сіздің кредиттік бюроларға өтініштермен жүгінуге құқығыңыз бар.
Неғұрлым толық консультация алу үшін «1459» нөмірі бойынша call -орталық (қала телефондарынан қоңырау соғу), «Fingramota Online» мобильдік қосымшасы немесе сайтының Fingramota.kz сайтының «Онлайн-консультант» сервисі арқылы Агенттікке жүгінуіңізге болады.
Қаржылық сауаттылығыңызды бізбен бірге арттырыңыз!