Қазақстандағы CITIC Bank  еншілес банкінің бөлімшесі – Altyn Bank (China CITIC Bank Corporation Ltd ЕБ) China CITIC Bank Corporation Limited және «Астана» Халықаралық қаржы орталығы арасындағы стратегиялық серіктестік туралы жасалған Меморандум шеңберінде тіркелген.

«Бұл «Бір белдеу – бір жол» бастамасы, сонымен бірге АХҚО халықаралық алаңының әрі қарай дамуы шеңберіндегі маңызды оқиға, – деп Altyn Bank басқарма төрағасы – Марат Әлменов атап айтты. – Акционерлердің қорларымен нығайтылған мүмкіндіктерімізді ескеретін болсақ, Altyn Bank  АХҚО  құзіретінде тіркелген компаниялар үшін қызметтер ұсынуға дайын, соның ішінде есептік – кассалық қызмет көрсету, аударым операциялары, соның ішінде қытай юаньдарымен, ал келешекте – «Астана» Халықаралық қаржы орталығының Биржасы (AIX) үшін есептік банк және  кастодиан ретінде қызметтер көрсету».

АХҚО Altyn Bank бөлімшесі келесі қызметтерді көрсететін болады: АХҚО заңды тұлғалары үшін ағымдағы, жинақтаушы шоттарды, интернет – банкингін ашу және оларға қызмет көрсету, есептік – кассалық қызмет көрсету, инкассалау, несие беру, саудалық қаржыландыру, банк кепілдіктерін, аккредитивтерді ұсыну.

Келешекте CITIC Bank Банкаралық Төлемдердің трансшекаралық төлем жүйесінің (CIPS) тәжірибелі және белсенді тура қатысушы бола отыра, өзінің еншілес банкі арқылы  қытай юаньдарында төлемдерді өткізу процесін жылдамдату және жеңілдету үшін АХҚО  тіркелген банктер үшін осы жүйеде жанама қатысу қызметтерін ұсынуға дайын. Altyn Bank CIPS жүйесінде жанама қатысуға өтінім жасады және АХҚО алаңында сәйкес қызметті ұсынатын болады.