Алматы, 2018 жылғы 9 қараша, – Бүгін АТФБанк өз клиенттері – Visa карталарын ұстаушыларға төлемдердің біріктірілген функциясына ие Garmin смарт сағатының көмегімен контактісіз төлем жасау мүмкіндігін жариялады.
Garmin Pay – сатып алулар үшін Garmin смарт сағаты арқылы төлем жасауға мүмкіндік беретін сервис, енді ол АТФБанк клиенттері – Visa карталарын ұстаушылар үшін де қолжетімді. Garmin Pay жаңа төлем жасау әдісін енгізе отырып, АТФБанк өз клиенттеріне жедел, ыңғайлы және қауіпсіз түрде төлем жасаудың тағы бір мүмкіндігін ұсынады.
Garmin Pay арқылы сатып алулар үшін АТФБанктің клиенттер күнделікті пайдаланып жүрген карточкаларының көмегімен жасалады, демек кэшбек есептеуді қоса алғанда шарттары сақталатын болады.
Garmin Pay-дің көмегімен контактісіз төлемдерді қабылдайтын кез келген терминал арқылы төлем жасауға болады. Алматыда мұндай терминалдар саны 90-95%-ға жеткен, және АТФБанк мамандарының берген бағасы бойынша алдағы бір-бір жарым жылда көрсеткіш 100%-ға жететін болады.
«Біз Қазақстандағы Visa карталарын ұстаушыларға тағы бір контактісіз төлем технологиясын ұсынуға қуаныштымыз. Енді контактісіз төлемді қабылдайтын терминал арқылы өзінің Garmin құрылғысының көмегімен оңай әрі қауіпсіз түрде төлем жасау мүмкіндігіне ие қазақстандықтардың саны арта түседі. Garmin Pay сервисі Visa Token Service технологиясын қолданады. Аталған технология осы картаның нақты деректерін ашпай, картаның деректемелерін бірегей цифрлық кодқа ауыстыруға мүмкіндік береді», – деп атап өтті Visa-ның Орталық Азиядағы аймақтық менеджері Ғалым Табылдиев.
Қазіргі уақытта АТФБанкпен бірге Garmin Pay функциясын сағаттардың келесі үлгілері арқылы жүзеге асыруға болады: vivoactive® 3, vivoactive® 3 Music, Forerunner® 645, Forerunner® 645 Music, Fenix® 5S Plus, Fenix® 5 Plus, Fenix® 5X Plus.
Garmin Pay әмиянын қосу және пайдалану туралы толыққанды ақпаратты АТФБанктің сайтынан алуға болады.
Сатып алулар үшін Garmin смарт сағатының көмегімен төлем жасауға мүмкіндік беретін төлем сервисінің қазақстандық нарығына кірудің негізгі шарттарының бірі – АТФБанк кепілдік беретін төлемдер қауіпсіздігі. АТФБанк өзінің өнім тізбегін жақсарту жолында тұрақты түрде жұмыс істеп келеді, жоғары технологиялы өнімдер әзірлеуге ерекше көңіл бөледі және қолданыстағы цифрлық сервистерді жетілдіріп отырады.