"Еуразиялық банк" АҚ Директорлар кеңесінің шешімімен 2021 жылғы 23 маусымнан бастап Банк Басқармасының жаңа мүшесі, Басқарма төрағасының орынбасары болып Банк Қазынашылығының басқарушы директоры Ерланбек Қаппар сайланды. Жаңа лауазымда Е.Ж.Қаппар мырза халықаралық қатынастар, борыштық міндеттемелерді шығару мен акционерлік капитал мәселелерін, сондай-ақ кастодиандық операциялар бөлімін қоса алғанда, Қазынашылық операциялар блогының қызметіне жетекшілік ететін болады.
Ерланбек Қаппар 37 жаста, банк секторындағы мансаптық жолын 2005 жылы бастаған. Осы уақыт ішінде ол бөлшек бизнес, ШОБ, кепіл қамтамасыздығын бағалауды қоса алғанда, банк ісінің түрлі салаларында ауқымды жұмыс тәжірибесіне ие болды. Соңғы 10 жылда бірқатар қазақстандық банктерде қазынашылық бөлімшесін басқарды.
Абай атындағы Алматы Мемлекеттік Университетінің "Қаржы және Банк ісі" мамандығы бойынша түлегі.
"Еуразиялық банк" АҚ PR-қызметі
+7 (727) 259-95-99, ішкі 4401.
press@eubank.kz
eubank.kz