Алматы, 2024 жылғы 2 ақпан - Аскар Хамидуллин басқарманың жаңа мүшесі, банк басқармасы төрағасының орынбасары болып сайланды, ол банктің қаржы блогына жетекшілік ететін болады. Шешімді "Еуразиялық банк" АҚ Директорлар кеңесі қабылдады.

Аскар Хамидуллиннің банк секторында көп жылдық мансабында жинақталған мол кәсіби тәжірибесі бар. 2023 жылдың қараша айына дейін Хамидуллин мырза CFO, "Jusan Bank" АҚ басқарма төрағасының орынбасары лауазымында жұмыс істеді, оған дейін "First Heartland Bank" АҚ-тың қаржы бөлімшесінің басшысы лауазымында болған еді. Бұған дейін әр жылдарда ол "Citibank (Kazakhstan)" АҚ, "RBS (Kazakhstan)" АҚ, "HSBC Bank Kazakhstan" АҚ-та еңбек еткен.

Директорлар кеңесі оның кәсібилігі мен қаржылық стратегиялар саласындағы сараптамасы жаһандық сын-қатерлер мен нарықтағы өзгерістердің ағымдағы кезеңінде банк үшін өте бағалы болады деп сенеді.

Аскар Хамидуллин Т. Рысқұлов атындағы Қазақ экономикалық университетінің (Нархоз) "Бухгалтерлік есеп, аудит және ақпараттық технологиялар" факультетін және ҚР Ұлттық Банкінің MBA магистратурасын үздік бітірген.