22.07.2025
20 cапарлар
Fitch Отбасы банк рейтингін BBB деңгейінде растады, болжам – «Тұрақты»

Fitch Ratings халықаралық рейтингтік агенттігі Отбасы банктің («Бәйтерек» холдингінің еншілес ұйымы) ұлттық валютадағы эмитенттің ұзақ мерзімді дефолт рейтингін «BBB» деңгейінде растады. Рейтинг бойынша болжам – «Тұрақты».

Бұл баға – Отбасы банкінің қаржылық және ұлттық даму институты ретіндегі тұрақтылығы мен сенімділігінің маңызды көрсеткіші. Халықаралық рейтинг банктің қаржылық жағдайының тұрақталығын, ашықтығын және тиімділігін растайды. Клиенттер үшін бұл бағалау жинақтарының сенімділігі мен қауіпсіздігіне қосымша кепіл болады.

«Отбасы банк арқылы өз баспанасына ақша жинап жатқан қазақстандықтардың саны 3,2 миллионға жетті. 2025 жылдың алғашқы 6 айында депозиттерге түскен қаражат көлемі – 616 млрд теңгені құрады. Бұл өткен жылдың сәйкес кезеңімен салыстырғанда 39%-ға жоғары. Клиенттеріміз жинап жатқан әрбір теңгенің артында нақты мақсат тұр. Бұл – өз баспанасына қол жеткізу, отбасының амандығы мен болашаққа деген сенімділік. Fitch агенттігінің бағалауы азаматтардың жинақтары тұрақты әрі сенімді банкте екенін расстайды. Біз олардың сенімін сақтап қана қоймай, арттыра түсеміз. Нәтижесінде жұмыс істейтін әрбір үшінші қазақстандық болашақта қолжетімді шарттармен өз баспанасын сатып алу үшін Отбасы банкін таңдап отыр», – деп атап өтті «Отбасы банк» АҚ Басқарма төрайымы Ләззат Ибрагимова.

 2025 жылы Отбасы банкте 474 054 қазақстандық жаңа депозит ашты. Жинақ шотындағы қаражат оларға болашақта елдегі ең төменгі пайыздық мөлшерлемемен – жылдық 3,5%-дан (ЖТСМ 3,6%-дан 4,4%-ға дейін) жылдық 8,5%-ға дейін (ЖТСМ 9%-дан 9,6%-ға дейін) кредит рәсімдеп, тұрғын үй сатып алуға мүмкіндік береді.

Теңгедегі ұзақ мерзімді қазақстандық салымдардағы банктің үлесі 33%-ға тең. Банк клиенттерінің жинақ шоттарында 2,5 трлн теңге бар.

Күн сайын Отбасы банктің көмегімен 300-ден астам қазақстандық заем алып, қоныс тойын тойлауда. Банктің елдегі барлық ипотека портфеліндегі үлесі 51%-ды құрайды (01.06.2025 жылғы деректер бойынша). Жыл басынан бері банк 37 965 заем берді. Бұл ретте клиенттердің шамамен 80%-ы мемлекеттік бағдарламалар шеңберінде емес, бастапқы жарнаға ақша жинап, коммерциялық нарықтан баспана сатып алған.

Банктің NPL деңгейі (90 күннен астам мерзімі өткен несиелер үлесі) Қазақстандағы ЕДБ арасындағы ең төмен көрсеткіштердің бірі – не бәрі 0,12%-ға тең. Бұл көрсеткіш нарықтағы орташа NPL деңгейінің көрсеткіші 3,39%-дан едәуір төмен.

Қазіргі таңда Отбасы банк Қазақстандағы ЕДБ арасында активтер көлемі бойынша бесінші, ал меншікті капитал бойынша төртінші орында тұр. Бүгінде Отбасы банктің қолдауымен тұрғын үй құрылыс жинақ жүйесі сенімділігінің арқасында 600 000 қазақстандық отбасы өз үйлерінде тұрып жатыр. 

Соңғы жаңалықтар
04.08.2025
Бірінші жартыжылдықта салық түсімдері ₸1,3 трлн теңгеге өсті
ҚҚҚ талдау орталығы сіздердің назарларыңызға 2025 жылдың 1 жартыжылдығындағы ҚР бюджет балансына шолу ұсынады.
24.07.2025
Тәуекелсіз қисық 4 жылдық көкжиекте инфляциялық күтулердің жоғарылауын білдіреді
ҚҚҚ талдау орталығы сіздердің назарларыңызға 2025 жылдың 1 жартыжылдығындағы Қазақстанның бағалы қағаздар нарығына шолу ұсынады.
24.07.2025
Сауда профициті тарылып, ағымдағы операциялар шоты мен теңге үшін тәуекелдер туғызады
ҚҚҚ талдау орталығы сіздердің назарларыңызға Қазақстанның 2025 жылғы қаңтар-мамырдағы тауар айналымына шолу ұсынады.
18.07.2025
Реформа басталғаннан бері зейнетақы активтерінің кірістілігі бойынша жеке басқарушылар ҚРҰБ-ны басып озды
ҚҚҚ талдау орталығы сіздердің назарларыңызға 2025 жылғы 1 маусымдағы зейнетақы активтері бойынша инвестициялық қызметке шолу ұсынады.
14.07.2025
Сарапшылар макро күтулерді қайта қарайды: курсқа қатысты пессимизм, ЖІӨ, инфляция және мөлшерлемелер бойынша оптимизм
ҚҚҚ талдау орталығы сіздердің назарларыңызға 2025 жылғы шілдедегі кейбір индикаторларға қатысты қаржы нарығының кәсіби қатысушыларының кезекті сауалнамасының нәтижелерін ұсынады.
30.06.2025
Қазақстандағы әрбір екінші автокөлік несиеге сатып алынады
ҚҚҚ талдау орталығы сіздердің назарларыңызға 2025 жылдың бірінші тоқсанындағы қазақстандық автокредиттеу нарығына шолу ұсынады.