Майкл Вайнстин «МҚҰ ОнлайнҚазҚаржы» АҚ (Solva) директорлар Кеңесінің тәуелсіз мүшесі болып тағайындалды. Ол аудит Комитетін басқарады, сонымен қатар стратегия Комитетінің құрамына кіреді. Вайнстиннің кандидатурасын Solva акционерлері ұйымдастырушылық консалтинг саласындағы халықаралық Korn Ferry компаниясымен серіктесіп таңдады. Оның тағайындалуы Solva-ның микроқаржы ұйымынан банкке айналуы аясында тәуелсіз директорлар кеңесін құру жөніндегі қадамдардың бірі болып табылады.
Майкл Вайнстин – АҚШ пен Ұлыбритания азаматы. Оның ірі халықаралық ұйымдардағы банк және қаржы саласындағы тәжірибесі 30 жылдан асады. 2009-2013 жылдары ол Қазақстан бойынша Еуропалық қайта құру және даму банкінің директоры қызметін атқарды, сондай-ақ ЕҚДБ банктік қызметтерін дамытудың халықаралық стратегиясын айқындады. Сонымен қатар, Майкл украиндық Ощадбанкінің Бақылау кеңесінде жұмысын жалғастыруда.
Майкл Вайнстин, «МҚҰ ОнлайнҚазҚаржы» АҚ (Solva) директорлар Кеңесінің тәуелсіз директоры (Solva):
«Мен Solva директорлар Кеңесіне қосылғаныма өте қуаныштымын. Микро-, шағын және орта бизнесті қолдау Қазақстанның тұрақты нарықтық экономикасын дамыту үшін өте маңызды. Дәл осы іспен Solva сәтті айналысуда. Бұл прогрессивті философиясы бар серпінді, инновациялық компания. Solva бизнесінің негізі импакт-қаржыландыру болып табылады, ол тұрақты дамуға, ESG және әйелдер кәсіпкерлігі принциптерін қолдауға ықпал етеді. ЕҚДБ-дағы тәжірибемді ескере отырып, бұл тәсіл маған өте жақын».
Константин Барабанов, Solva Group ltd бас директоры:
«Біздің жақында ЖШС-тен АҚ-ға және алдағы банкке айналуымыз корпоративтік басқарудың жоғары стандарттарын енгізу мәселесіне көбірек назар аударуды талап етеді. Біз директорлар Кеңесін құруды 2022 жылдың қыркүйегінде бастадық және бүгін бірінші тағайындау жөнінде қуана хабарлаймыз.
Шағын және орта бизнесті қаржыландыру қазірдің өзінде жақсы нәтижелер беруде– 2022 жылғы желтоқсанда біздің портфельде ШОБ ұсынылған шағын қарыздардың үлесі 50% құрады, бүкіл Қазақстан бойынша 27 000-нан астам кәсіпкер біздің клиенттеріміз атанды. ЕҚДБ-да жұмыс істеу тәжірбиесі, сондай-ақ Қазақстан мен Украинадағы ірі компаниялардың директорлар кеңесінің құрамында болуы арқасында, Майкл ШОБ-ты жетілдіру және қаржы өнімдерін қолжетімді ету ісінде Solva-ға қажет бірегей тәжірибеге ие».