03.11.2023
27456 cапарлар
Moody’s Jusan Bank-тің ұзақ мерзімді депозиттік рейтингін оң болжаммен Ba3 деңгейіне көтерді

Алматы. 2 қараша 2023 жыл. Moody's Investors Service халықаралық агенттігі АҚ «First Heartland Jusan Bank» (Jusan Bank) ұзақ мерзімді депозиттік рейтингін оң болжаммен B1 деңгейінен Ba3 деңгейіне көтерді. Сондай-ақ негізгі несиелік бағалау (BCA) мен түзетілген BCA b3-тен b2 дейін көтерді. Банктың қысқа мерзімді рейтингі расталып, ұзақ мерзімді рейтингі болжамды оң нәтижеге көтерілді.

Сонымен қатар Moody's ұлттық рейтинг шкаласы бойынша банктің ұзақ мерзімді депозиттік рейтингін Ba1.kz-ден Baa2.kz дейін және де контрагенттік тәуекелділіктің ұзақ мерзімді рейтингін (CRR) Baa2.kz-ден A3.kz көтерді.

Moody's баспасөз хабарламасында атап өтілгендей, Jusan Bank рейтингтерінің жоғарылауы 2022 және 2023 жылдардағы жақсартылған операциялық орта жағдайында активтердің сапасын, кіріс пен төлем қабілеттілігін нығайтқан банктің қаржылық жағдайының жақсарғанын көрсетеді.

Атап айтқанда, кірістің жоғары болуы банкке қосымша резервтер құруға мүмкіндік берді. Ал бұл өз кезегінде проблемалық несиелермен жұмыс және жаңадан берілген несиелердің сапасын арттырумен қатар несие портфеліндегі проблемалық несиелер үлесінің төмендеуіне әкелді.

«BCA b3-тен b2-ге дейін көтерілуі банктің төлем қабілеттілігі мен табысының ұлғайғанын сондай-ақ активтер сапасының жоғарылағанын көресетеді. Бұған қоса, бұл рейтинг агенттіктің қайта қаралған Қоршаған ортаны қорғау, әлеуметтік және басқару жөніндегі жалпы принциптерінің (ESG) тәуекелдерді бағалау әдіснамасын көрсетеді. Тәуекелдерді жақсырақ басқару, анағұрлым жетілген стратегия және акционерлік тәуекелді азайту нәтижесінде несиелік өнімділіктің жақсаруы банктің бұрын тағайындалған G-5 рейтингімен салыстырғанда G-4 эмитентінің басқару профилі рейтингінің жоғары болуына әкелді. Нәтижесінде банктің несиелік қабілетіне ESG әсерін бағалау ТМД-5-тен ТМД-4-ке дейін жақсарды», - делінген Moody's хабарламасында.

Агенттіктің баспасөз хабарламасында Jusan Bank акционерінің ауысуы оң фактор болғаны атап өтілген. Өйткені ол меншік құрылымының ашықтығын арттырып, клиенттік және депозиттік базадағы құбылмалылық қауіптерін төмендеткені атап өтіледі.

Moody's-тің ұзақ мерзімді рейтингтердің оң болжамы, банктің даму стратегиясы мен акционерлер тәуекелінің төмендеуіне, сондай-ақ клиенттер базасының нығаюына және кірістердің өсуіне әкеледі, ал бұл өз кезегінде активтер сапасы мен шығындарды сіңіру қабілетіне оң әсер етеді деп күтілуде.

Банктің қолайлы операциялық ортадан пайда көріп, Moody's агенттігінің артып отырған үмітін ақтаған кезде ғана рейтинг көтеріледі.

«Jusan Bank-тегі бизнестің тиімділігін арттыру, несиелік қабілеттілікті нығайту, сондай-ақ корпоративтік басқару жүйесін жетілдіру секілді өтіп жатқан трансформациялық процестер Moody's Investors Service рейтингтік агенттігінің жоғары бағасына ие болғанына біз өте қуаныштымыз. Jusan Bank Қазақстанның жоғары бәсекелес нарығында іргелі қаржылық көрсеткіштерді жақсарта отырып, өз ұстанымдарын нығайтуға бағытталған стратегиясын дәйекті түрде іске асыруды жалғастыруға ниетті», - деді Jusan Bank Басқарма Төрағасы Арман Мангитов.

Соңғы жаңалықтар
25.06.2025
BNC Finance Kazakhstan МҚҰ банк лицензиясын алуымен құттықтаймыз
ҚҚҚ BNC Finance Kazakhstan МҚҰ-ны банкке айналуымен және Қазақстан Республикасы Қаржы нарығын реттеу және дамыту агенттігінен банк операцияларын жүзеге асыруға лицензия алуымен құттықтайды.
25.06.2025
Қазақстан қаржыгерлерінің қауымдастығы Әзірбайжан банктер қауымдастығымен Өзара түсіністік туралы меморандумға қол қойды
Бакудегі Fintex Summit 2025 алаңдарында қол қойылған құжатқа сәйкес, тараптар ҚҚҚ мен ӘБҚ арасындағы ынтымақтастықты жолға қоюға, Қазақстан мен Әзірбайжанның қаржы қауымдастықтары арасындағы әріптестікке жәрдемдесуге және екіжақты байланыстарды дамытуға, семинарлар мен білім беру бағдарламаларын қоса алғанда, банк саласында бірлескен іс-шараларды өткізуге көмектесуге, салалық ақпаратпен алмасуға және Қазақстан мен Әзірбайжанда өз қатысушы банктерінің бизнесін дамыту үшін байланыс арнасын ұйымдастыруға өзара ниет білдірді.
12.06.2025
Тек әрбір төртінші өтінім ипотекалық қарыздар бойынша мақұлданады
ҚҚҚ талдау орталығы сіздердің назарларыңызға 2025 жылдың бірінші тоқсанындағы Қазақстанның ипотекалық нарығына шолу ұсынады.
05.06.2025
Мөлшерлеме, инфляция және курс: сарапшылардың күтуіндегі қалыпты оптимизм
ҚҚҚ талдау орталығы сіздердің назарларыңызға 2025 жылғы маусымдағы кейбір индикаторларға қатысты қаржы нарығының кәсіби қатысушыларының кезекті сауалнамасының нәтижелерін ұсынады.
04.06.2025
Корпоративтік несиелеу: шағын бизнес белсенді, тоқыраудағы инвестициялық несиелер
ҚҚҚ талдау орталығы сіздердің назарларыңызға 2025 жылғы 1 тоқсандағы кәсіпкерлік субъектілерін кредиттеуге шолу ұсынады.
26.05.2025
Ағымдағы шоттың тапшылығын қаржыландыру ҚРҰБ резервтерінен қаржы шоты бойынша ағындарға ауысты
ҚҚҚ талдау орталығы сіздердің назарларыңызға 2024 жылға арналған сыртқы секторға шолу ұсынады.