11 шілде 2022 ж. – «Сбербанк» АҚ ЕБ Директорлар кеңесі Қазақстандағы Сбербанктің басқару тиімділігін нығайту мақсатында банктің басқарма құрамын кеңейту туралы шешім қабылдады. Енгізілген өзгертулерді ескергенде, басқарма алты адамнан құралады.
«Сбербанк» АҚ ЕБ-ның жаңа басқарма төрағасы болып Нұрсұлтан Тасқаранов тағайындалды.
Нұрсұлтан Ғабділ-Мәжитұлы Г.И. Носов атындағы Магнитогорск мемлекеттік техникалық университетін тәмамдап, жоғары буын басшыларды дамыту бағдарламасы бойынша (LBS және INSEAD-пен бірлесіп) білім алды. Банк жүйесінде 20 жылдық жұмыс тәжірибесі бар, Сбербанктегі қызметін 2002 жылы Ресейдегі Сбербанктің Магнитогорсктегі бөлімшесінде аға экономист болып бастады. 2012 жылдан бастап «Сбербанк» АҚ ЕБ Басқарма Төрағасының орынбасары лауазымында еңбек етті.
Сондай-ақ басқарма төрағасының орынбасарлары лауазымына төмендегі тұлғалар тағайындалды:
- Магомед Гулаев – жаңа лауазымда банктің бөлшек блогы жұмысына жауап береді.
Әл-Фараби атындағы Қазақ ұлттық университетін «Экономист-финансист» мамандығы бойынша бітірді. Банк жүйесінде 20 жылдық жұмыс тәжірибесі бар. 2017 жылдан бастап Қазақстандағы Сбербанкте бөлшек бизнес бағытына жетекшілік жасады.
- Анастасия Овсянникова – қаржы және операциялық блокқа жетекшілік етеді.
Алматы технология және бизнес институтын «Қаржы және несие» мамандығы бойынша үздік тәмамдады. Банк жүйесінде 22 жылдан астам қызмет атқарып келеді. Қазақстандағы Сбербанкке 2013 жылы Ірі клиенттер департаментінің Клиенттік менеджерлер басқармасы бастығының орынбасары лауазымына келді, 2018 жылы банктің Қаржы департаментінің Директоры қызметіне тағайындалды. 2019 жылы Сбербанктің Корпоративтік университетінде MBA дәрежесін алды. Қазақстан Қаржыгерлер қауымдастығы «Үздік қаржыгер» қоғамдық медалімен марапаттады.
- Владимир Савченко – жаңа қызметінде құқықтық және әкімшілік-шаруашылық блокқа жетекшілік жасайды, сондай-ақ проблемалық активтермен жұмыс жүргізеді.
Жоғары заң білімі және МВА дәрежесі бар. Банк жүйесінде 22 жыл еңбек етуде, оның 8 жылы Қазақстандағы Сбербанкте банктің Заң басқармасының директоры лауазымында қызмет атқарды.
Георгий Аракелян және Александр Титов басқармадағы жұмыстарын жалғастырады.
«Әріптестерімді жаңа қызметтерімен құттықтаймын. Еншілес банктің ішінде жүріп, сондай-ақ одан бөлек жерлерде алған кәсіби дағдылары мен тәжірибелері қазақстандық клиенттерге қызмет көрсету сапасын жоғары деңгейде сақтап қалуға көмектесетініне сенімдімін.Командағы сәттілік тілеймін», - деді аға вице-президент, Sberbank International блогының басшысы Тимур Козинцев.
«Сбербанк»АҚ ЕБ Баспасөз қызметі
E-mail: press@sberbank.kz
Тел.: +7(727) 266 35 68 вн. 600-351, 502-466
www.sberbank.kz