Bank RBK 2018 жылдың 1 қарашасында өткізілген Банк Акционерлерінің кезектен тыс жалпы жиналысы барысында Банктің Директорлар Кеңесінің құрамына қатысты келесідей шешімдер қабылданғандығын хабарлайды.

• Директорлар Кеңесінің Төрағасы Торстен Пол сол лауазымына жаңа мерзімге қайта сайланды.
• Директорлар Кеңесінің мүшесі – тәуелсіз директор болып Азамат Сагатов, Eclipse Group компаниясының құрылтайшысы сайланды (компания бизнестің түрлі секторларындағы жобаларды басқаруға маманданады).
• Анвар Сайденов және Даурена Оразаевтың Директорлар Кеңесінің мүшелері ретіндегі өкілеттері тоқтатылды.

Осылайша, жүзеге асырылған өзгертулерді ескере отырып, банктің Директорлар Кеңесі келесі құрамда қалыптастырылды: Торстен Пол (ДК Төрағасы), Наталья Акентьева, Болатбек Жайназаров және Азамат Сагатов (ДК мүшелері).

Директорлар Кеңесіндегі ротация құрамнан шыққан мүшелердің басты назарларын лауазымдарды үйлестіру мүмкіндігін бермейтін кәсіпқой қызметтің өзге түрлеріне бөлуге қалауларымен байланысты.

«Банк банк акционерлері атынан және өз атынан Сайденов мырзаға және Оразаев мырзаға Bank RBK қызметін басқаруға қосқан баға жетпес үлесі үшін зор алғысын білдіріп, жаңа қызмет майдандарында барлық жетістіктерді тілейді. Ал Директорлар Кеңесіміздің қалған және жаңа мүшелері бар күштерін Bank RBK Қазақстанның ең баянды, тұрақты және сенімді банктерінің біріне айналдыру болып табылатын стратегиялық мақсаттарымызға жетуге жұмылдыруды жалғастыруда», – деп кадрлық өзгерістерді Bank RBK Директорлар Кеңесінің Төрағасы Торстен Пол түсіндірді.

Азамат Сагатов Макалестер Колледжін (Сэнт Пол, Миннесота, АҚШ) үш мамандық: экономика, математика және информатика бойынша үздік тамамдаған. Американдық Merrill Lynch және JMP Securities банктерінде инвестициялық банкингпен айналысып, одан кейін «Ренессанс Капитал» инвестициялық тобында жұмыс істеді. Steppe Capital компаниясында атқарушы директор лауазымын атқарды. Eclipse Group компаниясының құрылтайшысы болып табылады (компания бизнестің түрлі секторларындағы жобаларды басқаруға маманданады).