ВТБ Банк (Қазақстан) АҚ ЕҰ-ның жалғыз акционері – ВТБ Банк (ЖАҚ) Қазақстандағы еншілес банкті қосымша капиталдандыруға ниетті. Рәсім барлық заңды талаптар орындалғаннан кейін жүзеге асырылады. Банк алынған қаражатты өз капиталын ұлғайтуға жұмсайды, бұл қажетті нормативтерді орындауға және елдегі банк қызметін одан әрі дамытуға ықпал етеді.

«ВТБ Банк (Қазақстан) Қазақстан Республикасының резиденті болып табылады және елде 13 жылдан астам жұмыс істеп келеді. Акционер банкке сенім білдіреді және толық қолдау көрсетеді. Біз Қазақстанда ВТБ дамуының жаңа жолын анық көріп отырмыз және бизнес-модельді трансформациялаумен айналысып жатырмыз. Капиталды ұлғайту банкке тұрақтылықты арттыруға және акционермен бірлесіп айқындалған міндеттерді іске асыруға мүмкіндік береді», – деп атап өтті ВТБ Банк (Қазақстан) басқарма төрағасы Дмитрий Забелло.

Анықтама

ВТБ Банк (Қазақстан) АҚ ЕҰ – ВТБ халықаралық қаржы тобына кіреді. Банк ВТБ (Қазақстан)-ның Орталық кеңсесі Алматы қаласында орналасқан. 2020 жылғы 3 ақпандағы №1.2.14/39 Қазақстан Республикасының Қаржы нарығын реттеу және дамыту агенттігінің лицензиясы.

Қосымша ақпарат алу үшін Сіз әр кезде баспасөз қызметіне түсінік алу үшін хабарласа аласыз:

Тел: 8 (727) 330 41 88,  ішкі нөмірі: 41 88
e-mail: T.Nikhambayev@vtb-bank.kz
web: www.vtb-bank.kz