03.11.2023
12468 cапарлар
Moody’s Jusan Bank-тің ұзақ мерзімді депозиттік рейтингін оң болжаммен Ba3 деңгейіне көтерді

Алматы. 2 қараша 2023 жыл. Moody's Investors Service халықаралық агенттігі АҚ «First Heartland Jusan Bank» (Jusan Bank) ұзақ мерзімді депозиттік рейтингін оң болжаммен B1 деңгейінен Ba3 деңгейіне көтерді. Сондай-ақ негізгі несиелік бағалау (BCA) мен түзетілген BCA b3-тен b2 дейін көтерді. Банктың қысқа мерзімді рейтингі расталып, ұзақ мерзімді рейтингі болжамды оң нәтижеге көтерілді.

Сонымен қатар Moody's ұлттық рейтинг шкаласы бойынша банктің ұзақ мерзімді депозиттік рейтингін Ba1.kz-ден Baa2.kz дейін және де контрагенттік тәуекелділіктің ұзақ мерзімді рейтингін (CRR) Baa2.kz-ден A3.kz көтерді.

Moody's баспасөз хабарламасында атап өтілгендей, Jusan Bank рейтингтерінің жоғарылауы 2022 және 2023 жылдардағы жақсартылған операциялық орта жағдайында активтердің сапасын, кіріс пен төлем қабілеттілігін нығайтқан банктің қаржылық жағдайының жақсарғанын көрсетеді.

Атап айтқанда, кірістің жоғары болуы банкке қосымша резервтер құруға мүмкіндік берді. Ал бұл өз кезегінде проблемалық несиелермен жұмыс және жаңадан берілген несиелердің сапасын арттырумен қатар несие портфеліндегі проблемалық несиелер үлесінің төмендеуіне әкелді.

«BCA b3-тен b2-ге дейін көтерілуі банктің төлем қабілеттілігі мен табысының ұлғайғанын сондай-ақ активтер сапасының жоғарылағанын көресетеді. Бұған қоса, бұл рейтинг агенттіктің қайта қаралған Қоршаған ортаны қорғау, әлеуметтік және басқару жөніндегі жалпы принциптерінің (ESG) тәуекелдерді бағалау әдіснамасын көрсетеді. Тәуекелдерді жақсырақ басқару, анағұрлым жетілген стратегия және акционерлік тәуекелді азайту нәтижесінде несиелік өнімділіктің жақсаруы банктің бұрын тағайындалған G-5 рейтингімен салыстырғанда G-4 эмитентінің басқару профилі рейтингінің жоғары болуына әкелді. Нәтижесінде банктің несиелік қабілетіне ESG әсерін бағалау ТМД-5-тен ТМД-4-ке дейін жақсарды», - делінген Moody's хабарламасында.

Агенттіктің баспасөз хабарламасында Jusan Bank акционерінің ауысуы оң фактор болғаны атап өтілген. Өйткені ол меншік құрылымының ашықтығын арттырып, клиенттік және депозиттік базадағы құбылмалылық қауіптерін төмендеткені атап өтіледі.

Moody's-тің ұзақ мерзімді рейтингтердің оң болжамы, банктің даму стратегиясы мен акционерлер тәуекелінің төмендеуіне, сондай-ақ клиенттер базасының нығаюына және кірістердің өсуіне әкеледі, ал бұл өз кезегінде активтер сапасы мен шығындарды сіңіру қабілетіне оң әсер етеді деп күтілуде.

Банктің қолайлы операциялық ортадан пайда көріп, Moody's агенттігінің артып отырған үмітін ақтаған кезде ғана рейтинг көтеріледі.

«Jusan Bank-тегі бизнестің тиімділігін арттыру, несиелік қабілеттілікті нығайту, сондай-ақ корпоративтік басқару жүйесін жетілдіру секілді өтіп жатқан трансформациялық процестер Moody's Investors Service рейтингтік агенттігінің жоғары бағасына ие болғанына біз өте қуаныштымыз. Jusan Bank Қазақстанның жоғары бәсекелес нарығында іргелі қаржылық көрсеткіштерді жақсарта отырып, өз ұстанымдарын нығайтуға бағытталған стратегиясын дәйекті түрде іске асыруды жалғастыруға ниетті», - деді Jusan Bank Басқарма Төрағасы Арман Мангитов.

Соңғы жаңалықтар
14.07.2024
Қаржы нарығының сарапшылары теңгені одан әрі әлсіретуге негіз жоқ деп санайды
ҚҚҚ талдау орталығы сіздердің назарларыңызға 2024 жылғы шілдедегі кейбір индикаторларға қатысты қаржы нарығының кәсіби қатысушыларының кезекті сауалнамасының нәтижелерін ұсынады.
01.07.2024
Кәсіпкерлердің несиелері бойынша мөлшерлемелер олардың депозиттеріне қарағанда тез төмендейді
ҚҚҚ талдау орталығы сіздердің назарларыңызға 2024 жылдың алғашқы бес айындағы қаржы нарығындағы пайыздық мөлшерлемелерге шолу ұсынады.
14.06.2024
Орташа және ірі бизнес мөлшерлемелердің төмендеуін күтіп қысқа несиелерді қалайды
ҚҚҚ талдау орталығы сіздердің назарларыңызға 2024 жылғы 1 тоқсандағы кәсіпкерлік субъектілерін кредиттеуге шолу ұсынады.
12.06.2024
Мұнай бағасының төмендеуі теңгеге және экономиканың өсу қарқынына қысым көрсетуі мүмкін
ҚҚҚ талдау орталығы сіздердің назарларыңызға 2024 жылғы маусымдағы кейбір индикаторларға қатысты қаржы нарығының кәсіби қатысушыларының кезекті сауалнамасының нәтижелерін ұсынады
07.06.2024
ӨСК төлемдерінің 78,2%-ға өсуі сектордың рентабельділігіне қысым көрсетті
ҚҚҚ талдау орталығы сіздердің назарларыңызға 2024 жылғы 1 тоқсандағы қазақстандық өмірді сақтандыру нарығына шолу ұсынады.
31.05.2024
Автокөлік иелерінің АҚЖ сақтандыру бойынша сыйлықақылар көлемінің айтарлықтай төмендеуімен сақтандыру төлемдері 17,2%-ға өсті
ҚҚҚ талдау орталығы сіздердің назарларыңызға 2024 жылдың 1 тоқсанындағы қазақстандық жалпы сақтандыру нарығына шолу ұсынады