11 маусымда «Bank RBK» АҚ-ның Директорлар кеңесі 12 маусымнан бастап Айдос Мұхамеджановты басқарма төрағасының орынбасары – банк басқармасының мүшесі лауазымына сайлау туралы шешім қабылдады. Бұған дейін Айдос Мұхамеджановты басқарма төрағасының орынбасары – басқарма мүшесі лауазымына тағайындауға Қазақстан Республикасының Қаржы нарығын реттеу және дамыту агенттігі келісім берген болатын. Осы уақытқа дейін А. Мұхамеджанов банктің басқарушы директоры лауазымын атқарды.

Басқарма төрағасының орынбасары ретінде ол IT-блоктың, ШОБ және бөлшек сауда секторының стратегиялық және кредиттік тәуекелдер бөлімшелерінің, сондай-ақ кредиттік әкімшілердің қызметіне жетекшілік ететін болады.
Банк басшылығы А. Мұхамеджановтың көшбасшылық қасиеттері мен бай кәсіби тәжірибесі оған жаңа лауазымда жетекшілік ететін бөлімшелер қызметінің тиімділігін арттыруға және жалпы банктің даму стратегиясын іске асыруда үлес қосуға мүмкіндік беретініне сенімді.

«Айдос Мұхамеджановтың басқарма төрағасының орынбасары лауазымына тағайындалуы - кәсіби сараптамасы ауқымды міндеттерді шешу үшін жауапкершіліктің жаңа деңгейіне шығуға мүмкіндік берген Bank RBK командасы мүшесінің мансаптық өсуінің заңды кезеңі. Оған елдің қаржы нарығындағы банктің позициясын нығайтуға бағытталған жұмыста шын жүректен табыс тілейміз», - деп, банк басқармасының төрайымы Наталья Акентьева өз пікірін айта кетті.

А. Мұхамеджанов Әл-Фараби атындағы Қазақ ұлттық университетін бітіріп, «Қолданбалы математика» мамандығы бойынша магистр дәрежесін алған. Кейін Еуразиялық нарық институтында «Қаржы және кредит» мамандығы бойынша оқуын жалғастырып, MBA University of Strathlyde дәрежесін алды. Еліміздің түрлі қаржы институттарында 20 жылдан астам кәсіби тәжірибесі бар.

****
* ҚНРДА-мен берілген 2021 ж. 05 сәуірдегі № 1.2.100/245/41 лицензия.

БАҚ үшін байланыстар:
«Bank RBK» АҚ баспасөз қызметі
Тел.: +7(727) 330-90-30, ішкі: 1518, 1548
pr@bankrbk.kz