Moody's Ratings халықаралық рейтингтік агенттігі ForteBank-тің ұлттық және шетел валюталарындағы ұзақ мерзімді депозиттік рейтингтерін Ba2 деңгейінен Ba1 деңгейіне көтерді. Сонымен қатар агенттік банктің кредит қабілеттілігінің базалық бағасын (BCA) ba3 деңгейінен ba2 деңгейіне дейін жақсартып, рейтинг бойынша «Тұрақты» болжамын растады.
Moody's агенттігінің бұл шешімі ForteBank-тің қаржылық тұрақтылығының нығайғанын және Home Credit Bank-ті сатып алу секілді стратегиялық маңызды мәмілені жүзеге асыра отырып, кредиттік көрсеткіштерін жоғары деңгейде сақтай алатынын айғақтайды.
Сондай-ақ, Moody's өз есебінде ForteBank-тің Home Credit Bank-ті сатып алғаннан кейінгі интеграциялау процесіне қатысты тәуекелдерді тиімді басқарып отырғанын атап өтті. Агенттік Банктің бөлшек бизнес бағытының кеңеюі мен клиенттік базасының өсуі есебінен бизнесінің әртараптандырылуына оң баға берді.
Moody's агенттігі ForteBank-тің өтімділік пен қорландыру бойынша тұрақты әрі сенімді позицияларын растады. 2026 жылғы бірінші тоқсанның соңында клиенттік депозиттер Банк міндеттемелерінің 75%-ін құрады. Сонымен қатар ақша қаражаты мен жоғары өтімді активтердің үлесі жиынтық активтердің шамамен 30%-іне жетті. Бұл Банктің қаржылық тұрақтылығының жеткілікті қорын қамтамасыз етіп, бизнестің одан әрі өсуіне мүмкіндік береді.
ForteBank үшін соңғы жылдар сапалы өсім кезеңі болды. Банк нарықтағы позициясын нығайтып, капиталын арттырды және бизнес ауқымын кеңейтті. Осылайша, Қазақстандағы жетекші банктер арасында рөлін күшейтіп, елдің жүйе құраушы банктерінің бірі ретінде одан әрі дамуына негіз болды. Moody's рейтингінің көтерілуі осы оң даму қарқынының халықаралық деңгейде мойындалғанын тағы бір мәрте көрсетті.
Тимур Исатаев, ForteBank Директорлар кеңесінің төрағасы: «Moody's рейтингінің көтерілуі біз үшін ForteBank-тің ұзақ мерзімді стратегиясының тиімділігін және оның тәуелсіз деңгейде жоғары бағаланып отырғанын көрсетеді. Соңғы жылдары Банк нарықтағы позициясын едәуір нығайтып, еліміздің банк секторындағы ең ірі мәмілелердің бірін сәтті жүзеге асырды әрі жоғары қаржылық тұрақтылығын сақтап қалды. Біз үшін бұл – қол жеткізілген нәтижелердің мойындалуы және таңдалған даму бағытының тиімділігінің тағы бір дәлелі. Бұл бағыт Банктің одан әрі өсуіне берік негіз қалыптастырып, клиенттердің, серіктестер мен инвесторлардың сенімін одан әрі нығайта түседі».
Қазақстан Республикасының Қаржы нарығын реттеу және дамыту агенттігінің 2026 жылғы 14 шілдедегі №1.1.965.133 лицензиясы «ForteBank» АҚ-ға берілген..