Moody's Ratings Freedom Life ӨСК-ға ұлттық валютада (LC) және шетел валютасында (FC) сақтандырушының қаржылық тұрақтылық рейтингін (IFSR) Baa3 деңгейінде берді. Рейтингтер бойынша болжам — тұрақты.
Baa3 рейтингі S&P және Fitch шкалалары бойынша BBB- деңгейіне сәйкес келеді және инвестициялық деңгей санатына жатады. Бұл Freedom ӨСК-нің S&P Global Ratings агенттігі берген қолданыстағы BB+ рейтингінен жоғары. Осылайша, Freedom ӨСК алғаш рет инвестициялық деңгей рейтингін алды. Бұл агенттіктің компанияның қаржылық тұрақтылығын және дефолт тәуекелінің төмендігін мойындағанын көрсетеді. Moody's рейтингтік бағалаудың негізгі факторларының бірі ретінде Freedom ӨСК-нің Қазақстанның өмірді сақтандыру нарығындағы берік позициясын атап өтті.
Moody's Freedom ӨСК активтерінің сапасы мен консервативті инвестициялық стратегиясын да оң бағалайды. 2025 жылдың соңында компанияның инвестицияланған активтерінің шамамен 90%-ы тұрақты кірісті бағалы қағаздарға тиесілі болды. Инвестициялық портфель негізінен Қазақстанның мемлекеттік, квазимемлекеттік және мемлекетпен байланысты эмитенттерінің бағалы қағаздарынан тұрады. Агенттіктің бағалауынша, бұл тәуекелі жоғары активтердің үлесін төмендетіп, пайданың тұрақтылығын қамтамасыз етуге ықпал етеді.
Moody's Freedom ӨСК-нің негізгі артықшылықтарының бірі ретінде капитал жеткіліктілігінің жоғары деңгейін атап өтті. Меншікті капиталдың жиынтық активтерге қатынасы 2024 жылғы 24%-дан 2025 жылы 30%-ға дейін өсті. Төлем қабілеттілігінің нормативтік коэффициенті 2025 жылдың соңында шамамен 430%-ды құрады және 2026 жылдың бірінші жартыжылдығында өсуін жалғастырды. Бұл компанияға нарықтық және сақтандыру тәуекелдері туындаған жағдайда елеулі қаржылық тұрақтылық қорын қамтамасыз етеді.
Moody's агенттігінің тұрақты болжамы алдағы 12–18 айда Freedom ӨСК нарықтағы берік позициясын және тұрақты қаржылық көрсеткіштерін сақтайды деген күтуді білдіреді. Агенттік сондай-ақ капитал жеткіліктілігінің жоғары деңгейі, консервативті инвестициялық саясат, жоғары өтімділік пен тұрақты табыстылық сақталады деп күтеді.
Ұзақ мерзімді факторлардың қатарында Moody's компания бизнесінің құрылымындағы зейнетақы аннуитеттері үлесінің артуын және осыған байланысты активтер мен міндеттемелерді басқару тәуекелдерін қарастырады. Сонымен қатар агенттік аталған тәуекелдерді төмендететін факторларды, соның ішінде міндеттемелердің қазіргі құрылымын және инвестициялық портфельдің кірістілігі мен сақтандыру шарттары бойынша кепілдендірілген мөлшерлемелер арасындағы елеулі айырмашылықты атап өтеді.
Азамат Ердесов, «Freedom Life» ӨСК АҚ басқарматөрағасы: «Baa3 инвестициялық деңгей рейтингін алу Freedom ӨСК бизнесінің жүйелі өсуінің, капиталдың нығаюының, тұрақты табыстылықтың және инвестициялық портфельдіқ алыптасты рудағы консервативті тәсілдің нәтижесі болды. Біз компанияны бизнес көлемін ұлғайту арқылы ғана емес, өнімдер желісін кеңейту, сақтандыру сервистерін цифрландыру және Freedom экожүйесіне интеграциялану арқылы да дамытып келеміз. Біз үшін келесі кезең—қаржылық тұрақтылықты одан әрі нығайту, ұзақ мерзімді сақтандыру және жинақтау өнімдерін дамыту, сондай-ақ қазақстандықтар үшін өмірді сақтандырудың қолжетімділігін арттыру».