Халықаралық рейтинг агенттігі S&P Global Ratings «Freedom Life» ӨСК» АҚ-тың ұзақ мерзімді кредиттік рейтингін және қаржылық тұрақтылық рейтингін «BB» деңгейінен «BB+» деңгейіне дейін көтерді. Сонымен қатар агенттік компанияның ұлттық шкаладағы рейтингінде «kzAA-»-дан «kzAA»-ға дейін жоғарылатты. Болжам — «Тұрақты».

ҚНРДА «KMF МҚҰ» акционерлік қоғамына банк қызметін жүзеге асыруға лицензия берді. Жаңа банктің ресми атауы – «KMF Банк» АҚ, орыс тілінде – АО «KMF Банк», ағылшын тілінде – JSC KMF Bank.

Fitch Ratings халықаралық рейтингтік агенттігі Отбасы банктің («Бәйтерек» холдингінің еншілес ұйымы) ұлттық валютадағы эмитенттің ұзақ мерзімді дефолт рейтингін «BBB» деңгейінде растады. Рейтинг бойынша болжам – «Тұрақты».

Агенттігі «Евразия» сақтандыру компаниясының «ВВВ» деңгейіндегі ұзақ мерзімді кредиттік рейтингін, «Тұрақты» болжамын растады. Компания капиталдандырудың жоғары деңгейін сақтауды жалғастыруда және халықаралық қайта сақтандыру нарығында өзінің қатысуын арттыруда.

Директорлар кеңесінің шешіміне сәйкес, 2025 жылғы 2 маусымынан бастап «Altyn Bank» АҚ Басқарма Төрағасы лауазымына Мұрат Байсынов тағайындалды. Ол бұл қызметте Марат Альменовты алмастырды.

ВТБ (Қазақстан) Директорлар кеңесі Олеся Акылованы Басқарма мүшесі етіп сайлады және Басқарма төрағасының орынбасары етіп тағайындады. Ол жаңа лауазымда банктің Орта және шағын бизнес блогын стратегиялық дамыту мен операциялық басқару үшін жауапты болады.

Қазақстан қор биржасы (KASE) Әділ Нұрланұлы Мұхамеджановтың 2025 жылғы 31 наурыздан бастап биржаның басқарма төрағасы лауазымына тағайындалғанын хабарлайды.

Халықаралық S&P Global Ratings агенттігі «Фридом Финанс» АҚ-тың, Freedom Finance Global PLC-дің, Freedom Finance Europe Ltd-нің және «Фридом Банк Қазақстан» АҚ-тың ұзақ мерзімді кредиттік рейтингтерін «В»-дан «В+»-ке дейін көтеріп, олардың қысқа мерзімді кредиттік рейтингтерін «В» деңгейінде растады.

«ForteBank» АҚ Директорлар кеңесі отырыста банк басқармасының төрағасы Бекжан Пірматовтың өкілеттігін мерзімінен бұрын тоқтату туралы өтінішін қанағаттандырды. «ForteBank» АҚ басқармасының жаңа төрағасы болып бұған дейін банктің Директорлар кеңесінің құрамына кірген Талғат Қуанышев тағайындалды. Бекжан Пірматов «Верный Капитал» компаниялар тобының құрамына басқа жұмысқа ауысады.

«Еуразиялық банк» АҚ Директорлар кеңесінің шешімімен Басқарманың жаңа мүшесі, Басқарма Төрағасының орынбасары болып және 2024 жылғы 27 қыркүйектен бастап Бөлшек бизнес блогы қызметіне жетекшілік ететін Даулетбаева Айнагуль Амангельдиновна сайланды.

Moody's халықаралық рейтингтік агенттігі Еуразиялық Банктің ұзақ мерзімді депозиттік рейтингін Ba3-тен Ba2-ге дейін, ал BCA рейтингін (несиелік қабілеттіліктің негізгі бағасы) b1-ден ba3-ке дейін көтерді. Ұзақ мерзімді депозиттік рейтингтер бойынша болжам тұрақты.

Moody's Investors Service халықаралық рейтингтік агенттігі 2024 жылдың 12 қыркүйегінде Отбасы банктің ("Бәйтерек" холдингінің еншілес ұйымы) ұлттық валютадағы депозиттері бойынша ұзақ мерзімді рейтингін Baa2 деңгейінен Baa1 деңгейіне дейін көтерді. Сондай-ақ, несиелік қабілеттіліктің базалық бағасы (ВСА) және түзетілгені ВСА ba2-ден ba1-ге дейін көтерілді.